Sorphirða

Hjálpumst að við það að halda umhverfinu okkar hreinu! Hlutverk Sorphirðu Reykjavíkur er að hirða sorp frá heimilum borgarinnar. Þú getur valið hvaða tunnur hentar best að hafa við þitt heimili og þannig valið það þjónustustig sem virkar fyrir þig.

Panta tunnu Sorphirðudagatal

Vanda þarf frágang á sorpi við heimili vegna sóttvarna. The City of Reykjavik notes that all mixed waste should be contained in bags to prevent workers from being infected. Ekki má yfirfylla tunnur, þær þurfa að vera lokaðar svo að starfsmenn komist ekki í snertingu við úrgang við losun eða hann falli úr ílátum. Viljum benda íbúum á grenndar- og endurvinnslustöðvar SORPU fyrir endurvinnsluefni.

Brún tunna er næsta skref

Brún tunna undir lífrænan úrgang er næsta skrefið í úrgangsmálum. Hægt er að panta og fá brúna tunnu í Grafarvogi, Grafarholti og Úlfarsárdal, Árbæ og Norðlingaholti. Tilkynnt verður þegar farið verður að bjóða upp á brúna tunnu í fleiri hverfum.

Notum rétta tunnu

Þú getur valið um nokkrar tegundir af tunnum.

Græn tunna - fyrir plast
Blá tunna - fyrir pappír
Grá tunna - fyrir blandaðan úrgang
Spartunna - minna magn, lægra verð
Brún tunna - fyrir lífrænan eldhúsúrgang

Fjölbýlishús

Aðrar reglur gilda um sorphirðu í fjölbýli en einbýli. Það er vegna þess að breytingar á fjölda og tegundum tunna í fjölbýlishúsum hafa áhrif á þau gjöld sem íbúar greiða fyrir sorphirðu.

Sjá meira um flokkun sorps í fjölbýlishúsum

Skil á endurvinnsluefnum

Þegar við leggjum okkar af mörkum og flokkum rétt erum við að stuðla að því að hægt sé að endurvinna og nýta áfram það sem nýtist okkur ekki lengur. Ert þú að henda þínu rusli í rétta tunnu?

Sjá meira um skil á endurvinnsluefnum

Aðgengi og viðhald sorptunna

Það er mikilvægt að sorphirðustarfsfólk komist óhindrað og örugglega að sorptunnum. Það sparar ekki bara tíma við tæmingu, heldur hefur áhrif á fjölda tjóna, heilbrigði starfsfólksins og tryggir þínu heimili betri og ódýrari þjónustu. Er aðgengið að þínum tunnum í lagi?

Sjá meira um aðgengi og viðhald sorptunna

Gjaldskrá

Það er ódýrara fyrir þig að henda minna og flokka meira! Verði breytingar á fjölda sorpíláta eða tíðni losana miðast breytingar á gjöldum við þá viku sem óskað er eftir breytingunni.