Stjórn borgarinnar
Borgarstjórn fer með stjórn Reykjavíkurborgar samkvæmt ákvæðum sveitarstjórnarlaga. Borgarstjórn er skipuð 23 borgarfulltrúum sem eru kjörnir í lýðræðislegum kosningum af íbúum Reykjavíkurborgar.
Borgarstjórinn í Reykjavík er framkvæmdastjóri borgarinnar og er ráðinn af borgarstjórn. Hann er æðsti yfirmaður starfsmanna Reykjavíkurborgar. Borgarstjórinn og borgarráð fara með framkvæmdastjórn borgarinnar og fjármálastjórn.
Borgarstjóri
Borgarstjórinn í Reykjavík er æðsti yfirmaður starfsmanna Reykjavíkurborgar. Borgarstjóri er ráðinn af borgarstjórn.
Borgarstjórn
Borgarstjórn er æðsti ákvörðunaraðili Reykjavíkurborgar. Borgarstjórn er skipuð 23 borgarfulltrúum og 23 varaborgarfulltrúum. Reglulegir fundir borgarstjórnar fara fram á fyrsta og þriðja þriðjudegi hvers mánaðar.
Borgarráð
Borgarráð fer, ásamt borgarstjóra, með framkvæmda- og fjármálastjórn Reykjavíkurborgar. Í borgarráði sitja sjö borgarfulltrúar og sjö til vara sem kosnir eru af borgarstjórn eitt ár í senn. Borgarstjórn kýs formann og varaformann úr hópi borgarfulltrúa.
Borgarfulltrúar
Fulltrúar í borgarstjórn kallast borgarfulltrúar og eru 23 talsins og jafnmargir til vara. Þeir eru kjörnir af kosningabærum íbúum Reykjavíkur. Kosið er til borgarstjórnar í almennum kosningum á fjögurra ára fresti. Ekki er hægt að kjósa aftur áður en kjörtímabil er liðið líkt og með Alþingi.
