Nýtt flokkunarkerfi sorphirðu

Já, samkvæmt nýjum lögum verður að safna matarleifum, pappír og plasti við hvert heimili. Auk þess þarf að vera tunna fyrir blandað sorp. Alls eru því tunnur eða hólf fyrir fjóra flokka.

Tvískiptar tunnur eru sömu stærðar og gráu tunnurnar undir blandað sorp sem hafa verið í borginni, 240 lítrar og 58 sentimetrar á breidd. Tunnunum er skipt upp í hlutfallinu 60/40. Minna minna hólfið er 96 lítrar og stærra hólfið 144 lítrar.

Ef tunnum er raðað hlið við hlið þá ráðleggjum við að hafa 10 sentimetra á milli þeirra.

Já, ef þú býrð í sérbýli geturðu óskað eftir tvískiptri tunnu. Ef beiðni berst áður en tunnuskipti vegna nýs flokkunarkerfis eiga sér stað færðu hana samhliða tunnuskiptunum. Ef beiðnin kemur síðar verður hún tekin fyrir eins fljótt og hægt er eftir að innleiðingu lýkur í hverfinu.

Nei, tvískipt tunna dugar líklega ekki heimilum með fleiri en þremur íbúum. Mikilvægt er að gera sér grein fyrir því að ef íbúar þjappa pappír eða plasti í tunnuna þannig að það losnar ekki úr henni þegar henni er hvolft í hirðubílinn, verður hún skilin eftir ólosuð.

Miðað er við að brún tunna dugi fyrir allt að sex íbúðir en það er breytilegt eftir fjölda heimilisfólks. Ef brúna tunnan fyllist er hægt að panta fleiri tunnur.

Lífrænn eldhúsúrgangur verður losaður aðra hvora viku, sem er algeng tíðni í útlöndum og hefur reynst vel í tilraunaverkefnum hér á landi.

Hvert og eitt heimili á höfuðborgarsvæðinu fær bréfpoka senda heim þegar nýrri tunnu fyrir matarleifar og körfu fyrir pokana er dreift í hús. Í einu búnti af bréfpokum eru 80 pokar sem ættu að duga í tvo til þrjá mánuði.

Þegar pokarnir klárast verður fyrst um sinn hægt að sækja þá þér að kostnaðarlausu í helstu matvöruverslanir og þjónustuver Reykjavíkurborgar.

Nei, mælst er til þess að maíspokar séu ekki notaðir fyrir matarafganga þar sem þeir brotna illa niður í Gaju, jarð- og gasgerðarstöðinni, og eiga til að vefjast utan um vélar sem vinna sorpið.

Nei, garðaúrgangi á að skila á endurvinnslustöðvar Sorpu. Móttakan er gjaldfrjáls fyrir efni sem er allt að tveir rúmmetrar. Leyfilegt er að setja blómabúnt eða annað sambærilegt sem fellur til innan íbúðar í tunnuna.

Málma og gler á að flokka sérstaklega og skila á grenndar- eða endurvinnslustöðvar. Gleri er safnað á nær öllum grenndarstöðvum í borginni. Gámar fyrir málma eru á grenndarstöðvum í Árbæ, Norðlingaholti, Selás og Ártúnsholti og einnig á á djúpgámastöðvum við Laugalæk, Skúlagötu og Freyjutorg/Óðinsgötu.

Gámum fyrir málma verður bætt við á aðrar grenndarstöðvar uppúr áramótum samhliða breytingum sem unnið er að á stöðvunum.

Hirðugjöld í Reykjavík verða endurskoðuð þegar búið er að innleiða nýtt kerfi og verður álagningu sorphirðugjalda breytt með haustinu.

Sorphirðugjald í Reykjavík tekur mið af fjölda og stærð tunna og úrgangsflokki. Gera má ráð fyrir að gjald fyrir endurvinnsluefni verði lægra í nýrri gjaldskrá þar sem Úrvinnslusjóður greiðir fyrir söfnun umbúðaúrgangs úr pappír, pappa og plasti.