Hæ! Hvernig getum við aðstoðað?

Um áttatíu manns sem brenna fyrir menntamálum í Reykjavík koma saman í Ráðhúsinu mánudaginn 16. nóvember kl. 13.00 til að ræða hvernig megi koma skóla- og frístundastarfi í borginni í fremstu röð.

Framkvæmdum við kvennaklefann í Sundhöll Reykjavíkur er nú lokið og var hann opnaður aftur í dag eftir miklar endurbætur. Með opnuninni færist starfsemi Sundhallarinnar aftur í hefðbundið horf.

Sandra Ómarsdóttir kennari við Seljaskóla í Reykjavík hlaut Íslensku menntaverðlaunin fyrir framúrskarandi sviðslistakennslu. Þá hlaut verkefnið Söngvavor, sem er samstarfsverkefni leikskóla og tónlistarskóla, verðlaun fyrir framúrskarandi þróunarverkefni. Verðlaunin voru afhent á Bessastöðum við hátíðlega athöfn.

Á næstunni verður unnið að þrívíddarmyndatöku af mannvirkjum sundlauga Reykjavíkur, meðal annars með drónaflugi. Tilgangurinn er að fá nákvæma og samræmda mynd af ástandi mannvirkjanna svo unnt verði að sinna viðhaldi með markvissum hætti.