Húsnæði

Megin markmið Reykjavíkurborgar í húsnæðismálum er að til verði fjölbreyttur, sanngjarn og sveigjanlegur húsnæðismarkaður sem tryggi öllum öruggt þak yfir höfuðið á viðráðanlegu verði. Stefnt er að kröftugri uppbyggingu með allt að 16 þúsund íbúðum til ársins 2035 og að til framtíðar litið verði 35% húsnæðis byggt og rekið án hagnaðarsjónarmiða.

Kortasjá húsnæðisuppbyggingar sýnir hvar og hversu margar íbúðir verið er að byggja, hvar og hversu margar íbúðir megi byggja á byggingarhæfum lóðum og lóðum með samþykktu skipulagi, hvar og hversu mikið er verið að þróa og skipuleggja - og hver áformin eru til lengri framtíðar.

Uppbygging húsnæðis í Reykjavík

Framtíðin byggist hér

Reykjavíkurborg hefur opnað nýtt vefsvæði sem veitir íbúum og hagsmunaaðilum skýra og aðgengilega yfirsýn yfir húsnæðisuppbyggingu í borginni. Þar má sjá kortlagða þróun byggðar, upplýsingar um verkefni í gangi og framtíðaráform í hverfum borgarinnar. Markmiðið er að auka gagnsæi, bæta upplýsingamiðlun og gera borgarbúum kleift að fylgjast með hvernig borgin mótast og þróast.

Uppbygging húsnæðis í Reykjavík

Hvar eru nýjar íbúðir í byggingu og hvaða svæði eru næst í uppbyggingu? Skoðaðu kortasjána hér fyrir neðan til að sjá helstu uppbyggingarsvæði eftir borgarhlutum og tegund verkefna.

Kortasjá húsnæðisuppbyggingar í Reykjavík

Húsnæðisáætlun Reykjavíkur

Það er stefna Reykjavíkurborgar að allir borgarbúar hafi öruggt húsnæði á viðráðanlegu verði, hvort sem fólk þarfnast stuðnings með húsnæðismál sín eða ekki. 

Megináherslur húsnæðisáætlunar eru að til sé húsnæði fyrir alla, fjölgun leigu- og búseturéttaríbúða, öflug og sjálfbær hverfi og góð landnýting og þétting meðfram þróunarásum.

Skoða húsnæðisáætlanir Reykjavíkur

Húsnæði fyrir alla

Áhersla í húsnæðisáætlun:

Húsnæðisframboð verði í samræmi við þarfir hverju sinni og aukið framboð verði af smærri íbúðum á næstu árum, burtséð frá eignarformi.

Húsnæði fyrir alla Hagkvæmt húsnæði fyrir ungt fólk og fyrstu kaupendur

Fjölgun leigu- og búseturéttaríbúða

Áhersla í húsnæðisáætlun:

Fjölgun leiguíbúða og búseturéttaríbúða í eigu húsnæðissamvinnufélaga, félagasamtaka og/eða einkaaðila, einkum á miðlægum svæðum sem auðvelt er að þjóna með almenningssamgöngum.

Öflug og sjálfbær hverfi

Áhersla í húsnæðisáætlun:

Visthæfar og sjálfbærar hönnunarlausnir verði ávallt leiðarljósi við mótun nýrrar íbúðarbyggðar.

Uppbygging húsnæðis sem hentar lægri tekjuhópum verði einkum á svæðum sem auðvelt er að þjóna með góðum almenningssamgöngum og/eða í grennd við stóra atvinnukjarna og fjölbreytta þjónustu.

Grænt húsnæði

Góð landnýting og þétting meðfram þróunarásum

Áhersla í húsnæðisáætlun:

Land og innviðir borgarinnar verði nýttir sem best og að stofnkostnaður innviða fyrir uppbyggingarsvæði verði greiddur með fjármunum sem fást af uppbyggingunni.

Samningsmarkmið Reykjavíkurborgar á uppbyggingarsvæðum