Betri borg fyrir fjöltyngd börn

Lýsing á aðgerð og markmið

Aðgerð Græna plansins

Verkefnið snýst um að hjálpa foreldrum að styðja við fjöltyngd börn sín. Yfir 70 tungumál eru töluð í grunnskólum Reykjavíkur. 8 af 10 fjöltyngdum börnum eru tveimur staðalfrávikum frá meðalskilningi á námsorðaforða í bekk. Lesskilningur annarrar kynslóðar innflytjenda er nánast sá sami og fyrstu kynslóðar, sem þýðir að stuðningur í skólum skilar ekki tilætluðum árangri.

Eftir viðtöl við börn, foreldra, sérfræðinga o.fl. hafa hugmyndir verið valdar sem gagnast fjöltyngdum börnum og fjölskyldum þeirra best til að aðlagast íslensku samfélagi og læra íslensku. Lausnirnar eru ólíkar og ná til ólíkra þátta, þar á meðal skólastarfs, tómstunda og heimilislífs. Lausnirnar fara núna í notendaprófanir, ítranir og prótótýpugerð.

Í því ferli mun skýrast hvers eðlis lausnirnar verð, þ.e. hverjar verða stafrænar og hverjar staðbundnar. Þróun og innleiðing mun eiga sér stað fyrri hluta árs 2024. Verkefnið er fjármagnað með styrk frá Bloomberg Philanthropies.