Ráðgjöf og starfsþróun fyrir starfsfólk skóla- og frístundastarfs
Lýsing á aðgerð og markmið
Aðgerð Græna plansins
Aukin kennslufræðileg ráðgjöf, samráð og fjölbreytt starfsþróun. Nú þegar hefur vefsíða verkefnisins www.gskolar.is, upplýsingasíða fyrir starfsfólk, nemendur og foreldra verið sett í loftið. Þar er meðal annars að finna upplýsingar um vél- og hugbúnað, stafræna skólaumhverfið í Google Workspace for Education Plus og alla helstu fræðslu fyrir foreldra varðandi persónuvernd á íslensku, ensku og pólsku. Skólar fengu margvíslegt stuðningsefni til afnota, s.s. leiðarlykil um tilgang verkefnis, búnað, skipulag, starfsþróun og stafræna hæfni skólans. Eins var unninn ítarlegur gátlisti með efni um afhendingu búnaðar með kynningarefni fyrir starfsfólk skóla, nemendur og foreldra. Skólarnir fengu einnig aðgang að evrópska matstækinu SELFIE fyrir skóla þar sem stjórnendur, kennarar og nemendur bregðast við stuttum spurningum eða fullyrðingum sem snúa að sex mismunandi áhersluþáttum er tengjast notkun stafrænnar tækni. Þýðing og prófun á SELFIE var unnin af NýMið í samstarfi við Menntavísindasvið Háskóla Íslands. Haldnir voru fjölmargir upplýsinga-, fræðslu- og samráðsfundir þar sem gróskutengiliðum skóla og skólastjórnendum var boðin þátttaka og fréttamolar voru sendir út reglulega.
Framkvæmdatími
Áætluð verklok eru á seinni helmingi ársins 2024
Stöðulýsing 1. janúar 2024
Framboð á starfsþróun hefur verið aukið mikið í tengslum við Grósku-verkefnið sem lauk í árslok 2023. Ljóst er að draga mun úr umfangi kennslufræðilegrar áherslu við það. Engu að síður er fjölbreytt samstarf í gangi, nýtt fræðsluefni hefur verið búið til, virkir spjallhópar á neti, fræðslufundir og hverfasamráð með Grósku-tengiliðum grunnskóla. Lærdómssamfélag leikskóla í gangi og faglegt samstarf við MVS-HÍ aukist mikið. Gangsett voru stór evrópuverkefni í samstarfi við grunnskóla.
Eldri stöðulýsingar
| Tímasetning | Lýsing framvindu | |
| Júlí 2023 |
Framboð á starfsþróun hefur verið aukið mikið. Mixtúra stóð fyrir um 160 viðburðum fyrir 2.300 þátttakendur skólaárið 2022 - 2023. Nýtt fræðsluefni hefur verið búið til, einkum fyrir Stafrænu skólastofuna. Aukið samstarf og samtal, virkir spjallhópar á neti, fræðslufundir og hverfasamráð með Grósku-tengiliðum grunnskóla. Lærdómssamfélag leikskóla stofnað. Boðið upp á fræðsluerindi með samtali og opin hús í Mixtúru tengd ákveðnum viðfangsefnum. Faglegt samstarf við MVS-HÍ aukist mikið. Odda-verkefni hófst haustið 2022 þar sem fjórir starfsmenn úr grunnskólum og frístundastarfi vinna 20% í Mixtúru og kennarar í námsleyfum koma að afmarkaðri verkefnavinnu í Mixtúru sem tengist námi þeirra. |
|
| Janúar 2023 | Verkefnið er í stöðugri vinnslu. Framboð á starfsþróun hefur aukist mikið. Mixtúra, sköpunar og upplýsingatækniver skóla- og frístundasviðs sem staðsett er á Menntavísindasviði HÍ, stóð fyrir um 160 viðburðum fyrir 2.300 þátttakendur árið 2023. Nýtt fræðsluefni hefur einnig verið búið til (einkum fyrir Stafrænu skólastofuna). | |
| Júlí 2022 | Ný framkvæmdaáætlun unnin, afgreidd og sett í farveg. Um er að ræða áframhaldandi verkefni sem verður í gangi árin 2022-2024. Til að fylgjast með framvindu er stöðumat gert tvisvar á ári, um áramót og í lok júní. |
Tengdar aðgerðir
Markmið í samfélagsmálum
- 1. Fyrir okkur öll | Græna planið Góð líðan íbúa og að við upplifum að Reykjavík sé fyrir okkur öll.
- 2. Látum draumana rætast | Græna planið Börn og unglingar láta draumana sína rætast.
- 3. Menning og listir verða samofin borgarlífinu | Græna planið Öll hafi jöfn tækifæri til að taka þátt í njóta menningar og lista.
- 4. Íþróttir fyrir öll | Græna planið Flest stundi reglulega íþróttir eða aðra hreyfingu.
- 5. Bætt lýðheilsa | Græna planið Heilsueflandi, sjálfbært og fjölskrúðugt borgarsamfélag.
- 6. Mannréttindi, aukin þátttaka og bætt samtal við íbúa | Græna planið Íbúar fá tækifæri til að vinna með borginni að bættum lífsgæðum.