Loftslagsmál

Teikning af húsi sem er eins og blómapottur í laginu og kona vökvar gróður á þakinu

Markmið Reykjavíkurborgar er að verða kolefnishlutlaus fyrir árið 2030 og að aðlögun að loftslagsbreytingum verði með vistvænum og mannvænum hætti. Stutt verður við markmið Parísarsamkomulagsins um að halda hnattrænni hlýnun innan við 1,5°C. 

Reykjavíkurborg hefur verið valin til þátttöku í Evrópusamstarfi ásamt ríflega hundrað öðrum borgum um að verða kolefnishlutlaus árið 2030. Í þátttökunni felst að gera loftslagsborgarsamning með ýmsum aðilum í íslensku samfélagi um aðgerðir svo hægt sé að ná því metnaðarfulla markmiði saman. 

Rúmlega 400.000 tonn fyrir 2030

Reykjavíkurborg stefnir að kolefnishlutleysi árið 2030. Helsta áskorun við að ná þessu takmarki er að draga þarf hratt úr losun. Loftslagsborgarsamningurinn endurspeglar þá víðtæku nálgun og breidd verkefna sem þarf til að umbreyting eigi sér stað í átt að kolefnishlutlausu samfélagi.

Í aðgerðaáætluninni eru fjöldi stórra og smærri aðgerða sem urðu til eftir víðtækt samráð og eru dregnar saman í fimmtán meginaðgerðir sem miða að því að draga úr kolefnislosun um rúmlega 400.000 tonn fyrir árið 2030, miðað við losunina 2019.

 

Áhersluatriðin 

Helstu áherslur í samningnum eru: 

  1. Samgöngur – Ahersla á breytta ferðamáta og að styrkja innviði fyrir almenningssamgöngur, gangandi og hjólandi vegfarendur.
  2. Orkuskipti – Orkuskipti í bílaflota og skipum í Reykjavík
  3. Úrgangur og hringrásarhagkerfi – aukin flokkun, endurvinnsla og endurnýting.
  4. Byggingargeirinn – Borgin hefur metnaðarfull markmið um uppbyggingu íbúðarhúsnæðis. Því er mikilvægt að þessi uppbygging hafi sem minnst áhrif á loftslag og umhverfi
  5. Réttlát umskipti –Tryggja réttlát umskipti við þróun kolefnishlutlauss samfélags. 

Loftslagstölfræði

Eldri tölfræði

Grænt bókhald Reykjavíkurborgar

Grænt bókhald yfir notkun jarðefnaeldsneytis, hitaveituvatns, orku, losun gróðurhúsalofttegunda og úrgangsmagn í rekstri Reykjavíkurborgar.

Aðlögun að loftslagsbreytingum

Skýrsla um áhættuþætti og aðlögun.

 

Grænt bókhald umhverfis- og skipulagssviðs

Umhverfis- og skipulagssvið Reykjavíkurborgar er vottað samkvæmt ISO 14001 og skilar því grænu bókhaldi.

Loftslagsborgarsamningur

Reykjavíkurborg hefur verið valin til þátttöku í Evrópusamstarfi ásamt ríflega hundrað öðrum borgum um að verða kolefnishlutlaus árið 2030. Hluti af þessu verkefni er að gera loftslagsborgarsamning við hina ýmsu aðila í íslensku samfélagi um það hvernig við náum þessu nýja markmiði saman.

 

Meira um Loftslagsborgarsamning Reykjavíkur
Teikning af handabandi tveggja einstaklinga.

Alþjóðlegar skuldbindingar

Reykjavíkurborg hefur verið þátttakandi í loftslagssáttmála sveitarfélaga (Covenant of Mayors) síðan 2011. Aðilum að loftslagssáttmála sveitarfélaga var boðin þátttaka í samstarfi um aðlögun að loftslagsmálum árið 2014 og ákvað Reykjavíkurborg að taka einnig þátt í því verkefni.

Reykjavík er einnig þátttakandi í CDP (carbon-disclosure-project) þar sem upplýsingum um kolefnisnotkun eru gerðar aðgengilegar öllum.

Reykjavíkurborg er einnig í samstarfi við norrænar höfuðborgir um sameiginlega yfirlýsingu í loftslagsmálum. 

Loftslagsmál og einstaklingar

Einstaklingar geta lagt sitt af mörkum með því að endurskoða samgönguvenjur og draga úr notkun jarðefnaeldsneytis.

Einnig að draga úr myndun úrgangs eftir því sem kostur er og endurvinna það sem fellur til.

Meira um grænan lífstíl Meira um Saman gegn sóun
Teikning af manneskju sem stendur í stiga og tengir saman tvo af fjölmörgum punktum.

Áherslur á grænan hagvöxt

Undanfarin ár hefur Reykjavíkurborg unnið markvist að framgangi umhverfismála í borginni, innleitt vistvænan rekstur og lagt áherslu á grænar fjárfestingar sem hafa bætt umhverfi og lífsgæði borgarbúa.

Má nefna hjólreiðaáætlun Reykjavíkurborgar í þessu samhengi, svo og Aðalskipulag Reykjavíkurborgar 2010–2030 þar sem kveðið er á um friðun grænna og opinna svæða, þéttingu byggðar, styrkingu almenningssamgangna, vistvænar lausnir í sorphirðu og kröfur um visthæfar lausnir við nýbyggingar.

Áætlað er að grænar fjárfestingar munu verða um 24% af heildarfjárfestingum Reykjavíkurborgar næstu 5 árin. Undir grænar fjárfestingar falla meðal annars fjárfesting í opnum svæðum, viðhald gönguleiða og úrbætur á forgangsleiðum strætisvagna, endurnýjun sorpíláta og fleira.

Þekkingarkista um réttlát umskipti

Loftslagsmál eru eitt stærsta viðfangsefni samtímans en áhrif þeirra á líf fólks geta verið ólík eftir stöðu fólks í samfélaginu.

 

Hér er búið að kortleggja helstu kynja- og jafnréttissjónarmið sem horfa þarf til samhliða þróun samfélagsins í átt að kolefnishlutleysi.

Meira um þekkingarkistuna
Teikning af tveimur konum að bera saman bækur sínar.