Réttlát umskipti á leiðinni til kolefnishlutleysis

Teikning af húsi sem er eins og blómapottur í laginu og kona vökvar gróður á þakinu

Loftslagsmál eru eitt stærsta viðfangsefni samtímans en áhrif þeirra á líf fólks geta verið ólík eftir stöðu fólks í samfélaginu. Hér er búið að kortleggja helstu kynja- og jafnréttissjónarmið sem horfa þarf til samhliða þróun samfélagsins í átt að kolefnishlutleysi.

Um verkefnið

Til þess að aðgerðir sem gripið er til í umhverfis- og loftslagsmálum beri árangur og stuðli að jafnrétti, jöfnum tækifærum og félagslegu réttlæti er mikilvægt að opinber stefnumótun og ákvarðanataka taki mið af ólíkri stöðu fólks innan samfélagsins.

Þekkingarkistan er afurð rannsóknar sem fékk styrk frá Nýsköpunarsjóði námsmanna árið 2022 og var unnið í samstarfi við Mannréttinda- og lýðræðisskrifstofu Reykjavíkurborgar, Umhverfis- og skipulagssvið Reykjavíkurborgar og Kynjafræði við Stjórnmálafræðideild Háskóla Íslands.

Miðaði verkefnið að því að kortleggja kynja- og jafnréttissjónarmið sem horfa þarf til samhliða þróun Reykjavíkurborgar í átt að kolefnishlutleysi en vonast er til að þessi þekkingarkista nýtist einnig öðrum sveitarfélögum, stjórnvöldum og stofnunum í vegferð sinni að réttlátum umskiptum í umhverfis- og loftslagsmálum.

Skýrslan Réttlát umskipti á leiðinni til kolefnishlutleysis

Grundvöllur þekkingarkistunnar er rannsókn og skýrsla sem unnin var af Brynhildi Hallgrímsdóttur sumarið 2022. Í skýrslunni er að finna nánari upplýsingar um rannsóknina, aðferðafræðina og niðurstöður ásamt því að vitnað er til heimilda.

Sjá skýrsluna Réttlát umskipti á leiðinni til kolefnishlutleysis (ISL) Read the report on a just and fair transition to carbon neutrality (EN)
Teikning af tveimur konum að bera saman bækur sínar.

Nánari upplýsingar

Ábyrgðaraðili síðunnar er verkefnastýra kynjaðrar fjárhags- og starfsáætlunar hjá Reykjavíkurborg.