Vesturborg

Leikskóli

Hagamelur 55
107 Reykjavík

411 3851
Leikskólinn Vesturborg, grænt hlið.

Um leikskólann

Opnunartími Vesturborgar er frá 07:45 til 16:30

Vesturborg er þriggja deilda leikskóli þar sem 76 börn geta dvalið samtímis. Deildirnar heita eftir húsunum í Ólátagarði Astridar Lindgren; Norðurbær, Miðbær og Suðurbær. Leikskólinn stendur á stórri lóð með grasflötum, matjurtagarði, trjám og öðrum gróðri. Í nærumhverfi Vesturborgar er að finna ýmsa starfsemi og stofnanir sem nýtast við störf leikskólans. Má þar nefna Sundlaug Vesturbæjar, íþróttastarf KR, Neskirkju og svo er fjaran við Ægisíðu kjörinn vettvangur fyrir könnunarleiðangra leikskólabarna. 

Leikskólastjóri er Helena Jónsdóttir

Aðstoðarleikskólastjóri er Deep Shika

 

Viltu vita meira?

Í þessu örstutta myndbandi er stiklað á stóru um starfsemi leikskólans. 

Hugmyndafræði

Gildi Vesturborgar eru vinátta og virðing

 

Vesturborg starfar eftir hugmyndafræði Johns Deweys sem taldi að daglegt líf og nám ættu að renna saman í eitt. Samkvæmt honum á barnið að læra af eigin reynslu eða eigin virkni og eigin áhuga. Dewey taldi að börn læri af reynslu en ekki kennslu. Þess vegna leggjum við okkur fram um að leyfa börnunum að njóta sín í leik. Rík áhersla er einnig lögð á læsi á menningu og samfélag og samstarf við nærumhverfið ásamt því að rækta tjáningar- og sköpunarmátt barnanna í þeim tilgangi að styrkja sjálfsmynd þeirra, öryggi og getu til þess að leysa mál sín á friðsamlegan hátt. 

Meira um hugmyndafræðina í skólanámskrá
Teikning af konu að kasta hlutum eins og sirkúslistamaður.

Leikskólastarf

Leikskóladagatal

Hvenær eru starfsdagar í Vesturborg? Í skóladagatali finnur þú upplýsingar um frídaga í leikskólanum og ýmislegt fleira. 

Leikskóladagatal 2023-2024

Starfsáætlun

Hvað er framundan á Vesturborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. 

Skólanámskrá

Viltu vita meira um hugmyndafræði og daglegt starf Vesturborgar? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi. 

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi.

 

Foreldrafélag og foreldraráð eru starfrækt í öllum leikskólum Reykjavíkurborgar. 

Meira um foreldrastarf í leikskólum Meira um aðlögun í leikskóla
Leiktæki á lóð Vesturborgar.

Miðstöð Vesturborgar

Leikskólinn Vesturborg tilheyrir Vesturmiðstöð. Vesturmiðstöð sinnir fjölbreyttri þjónustu við íbúa í Vesturbæ, Miðborg og Hlíðum og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.   

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. 

Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. 

Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Vesturborgar er: íris Beata Dudziak

Myndir frá Vesturborg