Vesturmiðstöð
Mánudaga–föstudaga
kl. 9:00–15:00
Efstaleiti 1
Í húsnæði Norðurmiðstöðvar
103 Reykjavík
Þann 1. september 2026 tóku gildi ný skipurit fyrir velferðarsvið og skóla- og frístundasvið.
Miðstöðvar voru lagðar niður í núverandi mynd en þær starfa þó áfram þar til í síðasta lagi 31. desember 2026 og geta íbúar áfram leitað þangað.
Eftir það verður félags- og húsnæðisþjónusta veitt að Bíldshöfða 20 og barna og fjölskylduþjónusta og skóla- og frístundaþjónusta að Borgartúni 12-14.
Nánari upplýsingar um nýtt fyrirkomulag þjónustunnar verða birtar þegar þær liggja fyrir.
Sjáðu á korti hvaða miðstöð sinnir þínu hverfi. Hægt að leita eftir heimilisfangi efst í hægra horni kortsins.
Um Vesturmiðstöð
Vesturmiðstöð er ein fjögurra miðstöðva í Reykjavík, þar sem íbúar Reykjavíkurborgar geta nálgast fjölbreytta þjónustu, upplýsingar og ráðgjöf. Þar er meðal annars veittur stuðningur við börn, ungmenni, fjölskyldur, aldraða og fatlaða. Lögð er mikil áhersla á faglegt starf og farsælt samstarf við íbúa, félagasamtök og stofnanir þeirra hverfa sem tilheyra hverri miðstöð.
Á miðstöðvunum sameinast velferðarþjónusta og skóla- og frístundaþjónusta í nærumhverfi barna og ungmenna. Þaðan er verkefninu Betri borg fyrir börn framfylgt en það miðar að því að bæta þjónustu við börn, ungmenni og fjölskyldur þeirra. Á miðstöðinni eru allir lykilaðilar í þjónustu við börn og fjölskyldur á sama stað sem er grundvöllur þess að hægt sé að bregðast við áskorunum sem upp koma í lífi barna og ungmenna.
Í miðstöðinni er veitt fjölbreytt velferðarþjónusta. Þar eru deildir fatlaðs fólks, virkni og ráðgjafar, barna og fjölskyldna, öldrunarmála og deild fullorðinna sem sinnir heimastuðningi og heimahjúkrun.
Í miðstöðinni er skóla- og frístundaþjónusta sem og yfirstjórn leik- og grunnskóla, frístundaheimila og félagsmiðstöðva í hverfinu, auk almennrar ráðgjafar við stjórnendur og starfsfólk starfsstaða.
Þú getur fengið nánari upplýsingar um þjónustuna og pantað tíma í ráðgjöf með því að hringja í síma 411 1600 eða senda okkur tölvupóst.
Ábyrgðarskipting á miðstöð:
Helgi Þór Gunnarsson er í forsvari fyrir miðstöðina á meðan unnið er að skipulagsbreytingum.