Foreldrasamstarf í leikskóla
Markvisst er unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar.
Hlutverk foreldraráðs
Foreldrar taka þátt í að móta stefnur og starfsáætlun fyrir leikskólastarfið. Hlutverk foreldraráðs er að gefa umsagnir til leikskólans og skóla- og frístundaráðs um:
- Skólanámskrám
- Starfsáætlun
- Aðrar áætlanir sem varða starfsemi leikskólans
Að fylgjast með:
- Framkvæmd skólanámskrár
- Framkvæmd annarra áætlana innan leikskólans
- Að skólanámskrá, starfsáætlun og aðrar áætlanir leikskólans séu kynntar fyrir foreldrum
Auk þess hefur ráðið umsagnarrétt um allar meiri háttar breytingar á leikskólastarfinu.
Lög og reglur
Samkvæmt lögum á að vera foreldraráð við hvern leikskóla. Það er kosið í ráðið og leikskólastjóri á að hafa frumkvæði að kosningu. Kosið er í september og er kosið til eins árs í senn. Ráðið skipa að minnsta kosti þrír foreldrar.