Kvistaborg

Leikskóli

Haðaland 26
108 Reykjavík

411 6565
Kvistaborg vetur

Um leikskólann

Opnunartími Kvistaborgar er frá 07:30 til 16:30

Leikskólinn Kvistaborg tók til starfa í september 1972.  Hann er staðsettur í hjarta Fossvogsdals þar sem stutt er í græn svæði og góðar gönguleiðir. Í leikskólanum dvelja 53 börn, 1-6 ára, samtímis á fjórum deildum sem heita Reynilundur, Asparlundur, Birkilundur og Víðilundur. Kvistaborg er heilsuleikskóli sem leggur mikla rækt við útinám, tónlist og hreyfingu.  Framundan er framkvæmdartímabil og gert er ráð fyrir að skólinn stækki og börnum fjölgi. 

Leikskólastjóri er Guðrún Gunnarsdóttir

Leikskólinn Kvistaborg

Viltu vita meira um  Kvistaborg? Í þessu örstutta myndbandi er stiklað á stóru um starfsemi leikskólans. Unnið af Erlu Stefánsdóttur og Antoníu Lárusdóttur fyrir skóla- og frístundasvið. 

 

Leikskólastarf

Skólanámskrá

Viltu vita meira um hugmyndafræði og daglegt starf Kvistaborgar? Í skólanámskrá Kvistaborgar finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi. 

Starfsáætlun

Hvað er framundan á Kvistaborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. Á tímabilinu júní til desember er starfsáætlun birt með fyrirvara um samþykkt skóla- og frístundaráðs.

Leikskóladagatal

Hvenær eru starfsdagar í Kvistaborg? Í skóladagatali finnur þú upplýsingar um frídaga í leikskólanum og ýmislegt fleira.

Læsi í leikskólum

Með læsi er átt við þá hæfni að geta lesið, skilið, túlkað og unnið á gagnrýninn hátt með ritað mál, orð, tölur, myndir og tákn.

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi.

 

Foreldrafélag og foreldraráð eru starfrækt í öllum leikskólum Reykjavíkurborgar.

Meira um foreldrasamstarf í leikskólum Meira um aðlögun

Miðstöð Kvistaborgar

Leikskólinn Kvistaborg tilheyrir Norðurmiðstöð. Norðurmiðstöð sinnir fjölbreyttri þjónustu við íbúa í Laugardal og Háaleiti og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.   

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. 

Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. 

Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður farsældar í Kvistaborg er: Guðrún S. Þorleifsdóttir

Framkvæmdir

Framkvæmdir hafa verið við Kvistaborg undanfarin misseri, m.a. vegna raka­skemmda og lagfæringa á hús­næði leik­skólans. Þannig fluttist starfsemi skólans að hluta til í Safamýri 5 haustið 2021 og til baka í Kvistaland í janúar 2022. Á árinu 2019 var sett upp færanlegt hús við leikskólann sem var liður í framkvæmdaáætluninni Brúum bilið. Með breytingum og stækkun á leikskólanum er áætlað að hann geti rúmað um 100-110 börn í heildina.

Athugið að áætlaðar dagsetningar um verklok geta breyst, þar sem þættir á borð við aðgengi að aðföngum, afleiðingar heimsfaraldurs og ófriðar á alþjóðavettvangi geta haft áhrif á framgang framkvæmda. Ennfremur getur ráðningarstaða haft áhrif á tímasetningar varðandi inntöku barna.

Myndir frá Kvistaborg