Trans börn og skólar
Mikilvægt er að starfsfólk í skólastarfi sé í stakk búið að koma til móts við þarfir trans barna og ungmenna. Á þessari síðu hafa verið teknar saman upplýsingar um trans börn ásamt stuðningsáætlun fyrir trans nemendur, og gátlista um hvernig er hægt að stuðla að jákvæðara og opnara skólastarfi og umhverfi fyrir alla nemendur.
Gátlisti til að stuðla að transvænna skólaumhverfi
Skólar sem vilja stuðla að transvænu skólaumhverfi geta nýtt sér gátlistann sem er hér fyrir neðan. Allir skólar geta nýtt sér gátlistann óháð skólastigi, en einhver atriði eiga betur við um eldri börn en yngri og öfugt.
Stuðningsáætlun
Það getur verið gagnlegt fyrir skóla að útbúa stuðningsáætlun fyrir nemendur sem eru trans. Stuðningsáætlunin hér að neðan er ætluð fyrir trans nemendur og nemendur með ódæmigerða kyntjáningu, starfsfólk skóla, og forsjáraðilum nemandans. Í henni er farið yfir marga þætti með það að markmiði að fá góða mynd af stöðu nemandans, því hvernig skólinn getur stutt við hann og hvaða praktískum atriðum þarf að huga að. Hugmyndin er sú að nemandinn, forsjáraðilar hans og fulltrúar skólans komi saman á fund og fari yfir áætlunina í sameiningu.
Efni sem nýtist trans börnum, aðstandendum og fagfólki
Hér má nálgast lista yfir hinsegin fræðsluefni sem inniheldur bækur, greinar, myndbönd o.fl. sem fjalla um hinsegin málefni, þ.m.t. málefni trans barna og fólks.
Einnig má skoða skýrslu um kennsluefni fyrir kynja- og hinseginfræði frá 2021, en í henni er efnið flokkað eftir kennslustigi.
Stuðningur og þjónusta fyrir trans börn
Fræðsla fyrir fólk sem vinnur með trans börnum sem og aðstandendum þeirra er mikilvægur liður í því að bæta líðan trans barna og ungmenna, og her fyrir neðan er hægt að nálgast frekari upplýsingar um orðanotkun, stuðning og þjónustu við trans börn og ungmenni.
Félög og stuðningur fyrir trans fólk og aðstandendur
Trans Ísland eru hagsmuna- og baráttusamtök trans fólks á Íslandi. Þau halda úti vefsíðu með ýmsum upplýsingum um trans fólk, m.a. bæklingi ætlaður fjölmiðlafólki um hvernig best sé að fjalla um trans fólk.
Trans vinir eru hagsmunasamtök foreldra og aðstandenda trans barna og ungmenna á Íslandi. Á heimasíðu þeirra má lesa meira um samtökin og skoða ýmsar upplýsingar um trans börn og ungmenni.
Samtökin '78 eru hagsmuna- og baráttusamtök hinsegin fólks. Samtökin '78 halda meðal annars úti stuðningshópi fyrir aðstandendur trans barna og ungmenna og veita ókeypis ráðgjöf fyrir trans fólk og fjölskyldur þeirra.
Frekari upplýsingar, fræðsla og ráðgjöf
Mannréttindaskrifstofa veitir fræðslu, stuðning og ráðleggingar er varðar málefni hinsegin fólks sem og jafnréttismál almennt.
- Hægt er að hafa samband við sérfræðing í málefnum hinsegin fólks mannréttindaskrifstofu í gegnum hinsegin@reykjavik.is
- Jafnréttisskólinn veitir stuðning og ráðgjöf ásamt því að sinna fræðslu um jafnréttismál í bæði skólum og frístundaheimilum borgarinnar. Hægt er að hafa samband við Jafnréttisskólann á jafnrettisskolinn@reykjavik.is
- Samtökin ´78 eru með samning við Reykjavíkurborg og veita fræðslu til nemenda um hinsegin fólk og málefni þeirra skólum Reykjavíkurborgar að kostnaðarlausu. Einnig er ráðgjöf í boði fyrir hinsegin fólk á öllum aldri og aðstandendur þeirra að kostnaðarlausu. Þú getur bókað fræðslu á vefsíðu Samtakanna ´78
- Hinsegin félagsmiðstöð Samtakanna ´78 og Tjarnarinnar er fyrir öll ungmenni á aldrinum 13-16 ára sem eru hinsegin eða tengja við hinsegin málefni á einn eða annan hátt. Einnig er í boði hinsegin félagsstarf fyrir 10-12 ára börn. Forstöðukona er Hrefna Þórarinsdóttir og veitir hún allar frekari upplýsingar um starfsemina og opnanir.
Þú getur haft samband við hinsegin@reykjavik.is