Skrifstofur Ráðhúss
Ráðhúsið hýsir starfsemi borgarstjórnar og borgarstjóra Reykjavíkur, ásamt öðrum skrifstofum sem snúa að stjórnsýslu.
Skrifstofa borgarstjóra og borgarritara
Kjarnahlutverk skrifstofu borgarstjóra og borgarritara felst í þjónustu við embætti borgarstjóra og borgarritara, styðja við framgang áherslumála borgarstjóra, umsjón með samhæfingu innan stjórnsýslunnar, innleiða og fylgja eftir verkefnum þvert á borgina og undirbúa samræmda stefnumörkun Reykjavíkurborgar.
Skrifstofa borgarstjórnar
Skrifstofa borgarstjórnar fer með alla umsýslu fyrir borgarstjórn, borgarráð, forsætisnefnd og ýmsar aðrar nefndir. Í því felst móttaka og meðferð gagna, undirbúningur funda, svo sem gerð og útsending dagskrár, framkvæmd funda, þar með talið ritun fundargerða og ráðgjöf til formanns og annarra fundarmanna. Jafnframt frágangur gagna og tilkynningar um afgreiðslu mála, birting fundargerða og upplýsingagjöf til almennings.
Mannréttindaskrifstofa
Mannréttindaskrifstofa fylgir eftir ákvörðunum mannréttindaráðs. Ráðið starfar í umboði borgarráðs Reykjavíkur og mótar stefnu, tekur ákvarðanir og gerir tillögur til borgarráðs í mannréttinda- og ofbeldisvarnarmálum.
Borgarlögmaður
Borgarlögmaður er í fyrirsvari fyrir Reykjavíkurborg og stofnanir hennar um lögfræðileg málefni. Hann hefur með höndum málflutning og aðra réttargæslu ásamt samningsgerð fyrir hönd Reykjavíkurborgar.
Skrifstofa samskipta og viðburða
Skrifstofa samskipta og viðburða sér um stefnumótun í samskipta- og upplýsingamálum og samhæfða og áreiðanlega upplýsingamiðlun um Reykjavíkurborg og starfsemi hennar. Þá sér skrifstofan einnig um helstu viðburði borgarinnar.
Hvað viltu skoða næst?
- Skrifstofa borgarstjóra og borgarritara Sinnir þjónustu við embætti borgarstjóra og borgarritara.
- Skrifstofa borgarstjórnar Fer með alla umsýslu fyrir borgarstjórn, borgarráð, forsætisnefnd.
- Mannréttindaskrifstofa Fylgir eftir ákvörðunum mannréttinda- ofbeldisvarnarráðs.
- Borgarlögmaður Er í fyrirsvari fyrir Reykjavíkurborg og stofnanir hennar um lögfræðileg málefni.
- Skrifstofa samskipta og viðburða Samskipta- og upplýsingamál og helstu viðburðir.