Mannréttinda- og lýðræðisskrifstofa
Mannréttinda- og lýðræðisskrifstofa fylgir eftir mannréttindastefnu Reykjavíkurborgar og sinnir fjölbreyttum verkefnum sem snúa að málaflokkum stefnunnar. Auk þess sinnir skrifstofan eftirfylgni með lýðræðisstefnu Reykjavíkurborgar.
Helstu verkefni
- Mannréttindastefna Reykjavíkurborgar Mannréttindastefnan byggir á mannréttindum og jafnræðisreglunni.
- Málaflokkar mannréttindastefnu Málaflokkar og stefnumótun tengd mannréttindastefnu.
- Mannréttindaráð Fer með verkefni í samræmi við mannréttindastefnu.
- Fræðsla á vegum mannréttinda- og lýðræðisskrifstofu Fræðsla fyrir starfsfólk og íbúa um mannréttindamál.
- Íbúalýðræði Það eru alls konar leiðir til að hafa áhrif.
- Kynjuð fjárhags- og starfsáætlun Fjárhagsáætlun snýst ekki bara um peninga.
- Aðgerðir Reykjavíkurborgar gegn ofbeldi Ofbeldi á aldrei að líðast.
- Regnbogavottun Reykjavíkur Regnbogavottun og hinsegin málefni.
Mannréttindastefna Reykjavíkurborgar
Mannréttinda- og lýðræðisskrifstofa sér um að framfylgja mannréttindastefnu borgarinnar. Mannréttindastefnan byggir á mannréttindum og jafnræðisreglunni.
Jafnræðisreglan eða bann við mismunun er ein grunnhugmynd mannréttinda. Hana er að finna í helstu mannréttindasamningum og í 65. gr. stjórnarskrárinnar en reglan kveður á um að bannað sé að mismuna fólki á grundvelli tiltekinna eiginleika þess eða af öðrum ómálefnalegum ástæðum.
Um mannréttinda- og lýðræðisskrifstofu
- Annast framkvæmd mannréttindastefnu.
- Vinna ásamt mannréttindaráði að aðgerðaáætlunum í mannréttinda- og ofbeldisvarnarmálum.
- Fylgja eftir ákvörðunum mannréttindaráðs
- Eiga samvinnu við félög og önnur sveitarfélög í málum sem mannréttindastefna Reykjavíkurborgar nær til.
- Eiga samráð við tilnefnda mannréttindafulltrúa á sviðum borgarinnar.
- Efla samráð í mannréttinda- og lýðræðismálum innan borgarinnar.
- Eiga frumkvæði að verkefnum sem tryggja mannréttindi borgarbúa.
- Standa vörð um að borgarbúum sé ekki mismunað vegna uppruna, þjóðernis, tungumáls, litarháttar, trúarbragða, lífs-, stjórnmálaskoðana, trúleysis, kyns, kynhneigðar, kynvitundar, kyntjáningar, kyneinkenna, aldurs, fötlunar, holdafars, líkamsgerðar, heilsufars, atgervis eða annarrar stöðu.
-
Mannréttindaráð fer með verkefni í jafnréttismálum, ofbeldisvörnum og í málefnum eldra fólks (öldungaráð) fatlaðs fólks (samráðshópur um málefni fatlaðs fólks) innflytjenda og fólks með erlendan bakgrunn.
Mannréttinda- og lýðræðisskrifstofa gefur út margs konar efni.
Mannréttinda- og lýðræðisskrifstofa veitir fræðslu um mannréttindastefnu borgarinnar sem og um önnur mannréttindamál, en hægt er að senda fyrirspurnir og fræðslubeiðnir á mannrettindi@reykjavik.is.
Ár hvert eru Mannréttindaverðlaun Reykjavíkurborgar veitt þeim einstaklingum, félagasamtökum eða stofnunum sem hafa á eftirtektarverðan hátt staðið vörð um mannréttindi. Einnig eru reglulega veittir styrkir til félagasamtaka, fyrirtækja og einstaklinga sem stuðla að farsælli þróun borgarsamfélagsins, jafnræði borgarbúa og fjölbreytilegu mannlífi.
Mannréttindastjóri er Anna Kristinsdóttir.
Hafðu samband
Hægt er að hafa samband við mannréttinda- og lýðræðisskrifstofu ef þú vilt vita meira.
Langar þig að vita meira um mannréttindastefnu Reykjavíkurborgar?
Vilt þú fá aðstoð við að vinna að jafnréttisáætlun fyrir þinn vinnustað hjá borginni?
Telur þú þig hafa orðið fyrir mismunun í þjónustu Reykjavíkurborgar?
Telur þú að Reykjavíkurborg sem stjórnvald hafi brotið gegn rétti þínum?
Hefur þú orðið vitni að mismunun á einhverjum vinnustað borgarinnar?
Hefur þú tillögu sem lýtur að mannréttindamálum hjá Reykjavíkurborg?
Starfar þú fyrir félagasamtök eða annað sveitarfélag og hefur áhuga á samstarfi?
Netfang: mannrettindi@reykjavik.is
Sími: 411 4156