Styrkir og verðlaun
Mannréttindaráð veitir ár hvert Mannréttindaverðlaun Reykjavíkurborgar, auk fjölda styrkja til félagasamtaka, fyrirtækja og einstaklinga.
Mannréttindaverðlaun Reykjavíkurborgar
Mannréttindaverðlaun Reykjavíkurborgar eru veitt þeim einstaklingum, félagasamtökum eða stofnunum sem hafa á eftirtektarverðan hátt staðið vörð um mannréttindi. Markmið verðlaunanna er að vekja athygli á mannréttindastefnu borgarinnar og mikilvægi samfélags þar sem mannréttindi eru virt.
Tilnefningar ásamt rökstuðningi skulu berast á netfangið mannrettindi@reykjavik.is. Handhafi mannréttindaverðlauna Reykjavíkurborgar hlýtur að launum 600.000 kr.
Verðlaunin eru afhent í Höfða ár hvert af borgarstjóra Reykjavíkur þann 16. maí á mannréttindadegi Reykjavíkurborgar.
Styrkir mannréttindaráðs
Mannréttindaráð Reykjavíkurborgar veitir almenna styrki til félagasamtaka, fyrirtækja og einstaklinga.
Almennir styrkir
Almennir styrkir eru veittir til félagasamtaka, fyrirtækja og einstaklinga til starfsemi og þjónustu sem stuðlar að farsælli þróun borgarsamfélagsins, jafnræði borgarbúa og fjölbreytilegu mannlífi.
Allar umsóknir skulu innihalda sundurliðaða kostnaðaráætlun, bæði hvað varðar gjöld og tekjur. Mannréttindaskrifstofa veitir almenna ráðgjöf og leiðbeiningar varðandi útfyllingu umsókna.
Greinagerð um ráðstöfun styrks skal skila innan árs frá því styrkur var veittur.
Skil umsókna
Umsókn skal send á netfangið: mannrettindi@reykjavik.is.
Einnig er hægt að senda umsókn með pósti:
Ráðhús Reykjavíkur
Mannréttinda- og lýðræðisskrifstofa
Tjarnargötu 11
101 Reykjavík
