2. Látum draumana rætast

Borg fyrir fólk

Markmið Græna plansins í samfélagsmálum

Markmið Reykjavíkurborgar er að í kraftmiklu skóla- og frístundastarfi öðlast börn og unglingar menntun og reynslu til að láta drauma sína rætast og hafa jákvæð áhrif á umhverfi og samfélag.

Menntastefna Reykjavíkurborgar hvetur okkur til að þróa skóla- og frístundastarf í skapandi lærdómssamfélag sem mætir þörfum 21. aldarinnar. Um leið er henni ætlað að mæta þeim áskorunum er felast í stöðugum umhverfis, samfélags- og tæknibreytingum. 

Leiðarljós stefnu frístundaþjónustu er að bjóða upp á fjölbreytta og heilsueflandi frístundaþjónustu sem hvetur til virkrar þátttöku, sköpunar og betra samfélags.

• Börn öðlast sterka sjálfsmynd, góða félagsfærni, trú á eigin getu og ná árangri
• Börnin lesa sér til gagns og gamans, afla sér þekkingar og öðlast skilning á samfélagi og náttúru. Þau sýna frumkvæði, skapandi og gagnrýna hugsun og tileinka sér heilbrigðan lífsstíl
• Börn vaxa, dafna og una sér saman í lýðræðislegu samfélagi sem einkennist af mannréttindum og virðingu fyrir fjölbreytileika mannlífs. Þau hafa áhrif á nám sitt, líðan og umhverfi
• Í skóla- og frístundastarfi borgarinnar starfar framsækið starfsfólk sem rýnir eigin starfsaðferðir, vinnur saman að sameiginlegum markmiðum og tileinkar sér nýja starfs- og kennsluhætti
• Uppeldi og menntun barna og unglinga er samfélagslegt verkefni.  Fjölskyldur barna í skóla- og frístundastarfi eru mikilvægir samstarfsaðilar þeirra sem þar starfa og deila með þeim ábyrgð á menntun og uppeldi