Uppbygging íbúða í Reykjavík

Ártúnshöfði og Elliðaárvogur er eitt stærsta uppbyggingarsvæði Reykjavíkur og mun ásýnd þessa rótgróna atvinnu- og iðnaðarsvæðis gjörbreytast á næstu árum. Áætlað er þarna rísi á sjöunda þúsund íbúðir og þar muni búa um 20.000 íbúar, í bland við atvinnustarfsemi og blómlegt borgarlíf.

Skipulagsreitur norðan og sunnan Hverfisgötu þar sem hillir undir endalok uppbyggingar sem staðið hefur yfir í nærri áratug.

Á tveimur atvinnulóðum í Borgartúni, steinsnar frá miðborginni, eru fyrirliggjandi áform um þróun og uppbyggingu 300 íbúða.

Byggja á íbúðir á grænni þróunarlóð og námsmannaíbúðir á vegum Byggingafélags námsmanna við Arnarbakka ásamt verslunar- og þjónusturýmum, skv. samþykktu hverfisskipulagi og breyttu aðalskipulagi Reykjavíkur.

Heimilt er samkvæmt samþykktu hverfisskipulagi Breiðholts og breyttu aðalskipulagi Reykjavíkur að byggja hátt í 90 íbúðir á þróunarreit í Fellunum í Efra Breiðholti. Þar er m.a. gert ráð fyrir byggingu nýrra námsmannaíbúða og byggingu sérbýla á grænum þróunarlóðum, ásamt endurskoðum á þegar úthlutuðum byggingarheimildum.

Uppbyggingu félagslegra íbúða og leiguíbúða er að ljúka á þróunarreitnum.

Áfangaskipt uppbygging nýs borgarhverfis er hafin, í samspili við atvinnustarfsemi skapandi greina, náttúruna og mannvirkin á þessu gamalgróna iðnaðarsvæði.

Í Höllum í Grafarholti er spennandi uppbygging þar sem gert er ráð fyrir nýju íbúahverfi með fjölbreyttri byggð. Svæðið býður upp á mikil tækifæri til að skapa fallegt og vel skipulagt hverfi þar sem bæði einstaklingar og fjölskyldur geta fundið sér góðan samastað.

Þróunaráætlun sem er í vinnslu fyrir Háskóla Íslands gerir ráð fyrir töluvert aukinni íbúðabyggð á svæðinu með byggingu á annað hundrað íbúða.

Ný fjölbýlishúsabyggð með inngörðum, verslunum og veitingastöðum á jarðhæðum er að rísa á vegum Vesturvinjar og Granda íbúðafélags á svæði sem áður var umfangsmikil atvinnustarfsemi.

Á Heklureitnum, þar sem bifreiðaumboðið Hekla og fleiri fyrirtæki hafa verið með atvinnustarfsemi í áratugi, eigan að rísa fimm fjölbýlishús með 445 íbúðum. Verslunar- og atvinnurýmum verða á jarðhæðum sem snúa að Laugavegi og ráðgert er að fyrsti áfangi Borgarlínu fari þar um.

Gert er ráð fyrir töluverði íbúðabyggð í næsta nágrenni Hlemms, í tengslum við nýtt skipulag fyrir Hlemm.

Það er flutt inn í fjölda íbúða í nýja hverfinu í Vatnsmýri, sem einkennist af randbyggðum húsum með skjólríkum innigörðum og þjónustu víða á jarðhæðum.

Hverfisskipulag Árbæjar heimilar umtalsverða íbúðauppbyggingu í Árbæjarhverfi.

Spennandi uppbygging er fram undan á Keldnalandi þar sem nýtt borgarhverfi með tæplega 6.000 íbúðum á að rísa á næstu áratugum í vel tengdu íbúahverfi í hjarta höfuðborgarsvæðisins. Gert er ráð fyrir blandaðri byggð íbúða og fjölbreyttra vinnustaða þar sem þúsundir munu búa og starfa.

Nýtt íbúðahverfi á Kirkjusandi hefur gerbreytt ásýnd þessa gamla atvinnusvæðis í norðurhluta borgarinnar þar sem enn frekari uppbygging er á döfinni.

Áform um áfangaskipta uppbyggingu nýs borgarhverfis með blandaðri byggð íbúða og atvinnustarfsemi eru að taka á sig mynd. Skipulag hverfisins er unnið samkvæmt BREEAM sjálfbærnistaðli með áherslu á gönguvænt umhverfi þar sem umferð akandi, hjólandi og gangandi er gert jafnhátt undir höfði .

Endurbygging eldri húsa á minni þéttingarreitum við eða nærri Laugavegi.

Á sama tíma og umfangsmiklum framkvæmdum er að ljúka við Leirtjörn suður í Úlfarsárdal er áhugavert nýtt byggingarsvæði í þróun vestan við Leirtjörnina.

Umfangsmikil uppbygging blandaðrar byggðar íbúða og atvinnustarfsemi er í þróun á þessu gamalgróna atvinnusvæði.

Deiliskipulag liggur fyrir vegna 690 íbúða í fyrri áfanga uppbyggingar Nýja-Skerjafjarðar. Annar áfangi verkefnisins er skilgreindur sem framtíðarsvæði fyrir 550 íbúðir.

Umhverfisvottuð íbúðabyggð með á fimmta hundrað íbúðum er í byggingu á milli Suðurlandsbrautar, Grensásvegar og Ármúla. Reiturinn liggur miðsvæðis við fyrirhugaðan fyrsta áfanga Borgarlínu, gegnt útivistarsvæðinu í Laugardal og í nálægð við fjölbreytta verslun og þjónustu í Skeifunni og Glæsibæ. Byggingarframkvæmdir hófust 2023 og verklok eru áætluð 2027.

Á döfinni er áframhaldandi uppbygging stúdentaíbúða og bygging íbúða fyrir almennan markað.

Framtíðarsvæði þar sem eru áform um byggingu 50 íbúðir á Ártúnsholti austur og vestur.

Einbýlishúsahverfi á Reynisvatnsási.

Uppbygging félagslegra íbúða er komin vel á veg á Sjómannaskólareitnum.

Þróun og umbreyting rógróins verslunar- og atvinnusvæðis í blandaða byggð fjölbýlishúsa með hátt í áttahundruð íbúðum, skrifstofum og þjónustu er hafin í Skeifunni. Svæðið er miðsvæðis í borginni, góðar tengingar í allar áttir, stutt í útivistarsvæðið í Laugardal og fyrsti áfangi Borgarlínur verður í næsta nágrenni við svæðið.

Það sígur á seinni hluta framkvæmda við einbýlis-, par og raðhús í Úlfarsárdal, sunnan Skyggnisbrautar.

Byggja á fjölbýlishús með íbúðum fyrir almennan markað, leiguíbúðum og verslunar- og þjónustuhúsnæði á fyrrum atvinnusvæði við gömlu höfnina sem hefur lengi verið í biðstöðu.

Mikil uppbygging hefur átt sér stað í Vogabyggð á undanförnum árum, sem hefur gerbreytt ásýnd þessa gamla atvinnusvæðis við Elliðaárvoga. Frekari uppbygging er á döfinni en þar er nú verið að þróa eða byggja um 1.300 íbúðir í Vogabyggð I-III.

Árbær er annar stærsti borgarhluti Reykjavíkur að flatarmáli og sá áttundi þéttbýlasti. Uppbygging hefur verið við Hraunbæ, Rofabæ og Elliðabraut og framkvæmdir standa yfir við Selásbraut og Brekknaás.

Breiðholt er fjölmennasti borgarhluti Reykjavíkur en sá sjötti þéttbýlasti. Hverfisskipulag Breiðholts tók gildi árið 2022 og deiliskipulag liggur fyrir um uppbyggingu við Arnarbakka og í Fellum.

Grafarholt-Úlfarsárdalur er nýjasti borgarhluti Reykjavíkur og sá þriðji stærsti að flatarmáli. Framkvæmdum er að ljúka sunnan við Leirtjörn og nýtt byggingarsvæðið er í skipulagning þar norðvestan við.

Grafarvogur er þriðji fjölmennasti borgarhluti Reykjavíkur og þar eru miklar framkvæmdir í gangi. Mest hefur verið byggt í Bryggjuhverfinu og Gufunesi. Umfangsmiklar framkvæmdir eru hafnar á Ártúnshöfða.

Háaleiti-Bústaðir er þriðji þéttbýlasti borgarhluti Reykjavíkur og sá fimmti fjölmennasti. Uppbygging hefur verið við Útvarpshúsið, í nágrenni Borgarspítalans og framkvæmdir standa yfir á Orkureitnum.

Hlíðar er minnsti borgarhluti Reykjavíkur að flatarmáli og sá fimmti þéttbýlasti. Uppbygging er hafin í Holtunum og á Heklureitnum og styttist í framkvæmdir á Veðurstofureit.

Kjalarnes er langstærsti og langfámennasti borgarhluti Reykjavíkur. Nokkrar nýjar íbúðir hafa verið byggðar í Grundarhverfi og samþykkt deiliskipulag er fyrir byggingu á annað hundrað íbúða á þróunarreit við Brautarholtsveg.

Laugardalur er fjórði þéttbýlasti borgarhluti Reykjavíkur og sá næst fjölmennasti. Mest uppbygging hefur verið á Kirkjusandi og í Vogabyggð og framkvæmdir standa einnig yfir í Skeifu og á Sigtúnsreit.

Miðborg er þéttbýlasti borgarhluti Reykjavíkur og hefur íbúum fjölgað umtalsvert á liðnum árum. Mikil uppbyggingar hefur verið við Austurhöfn, Laugaveg, Hverfisgötu og er enn á Hlíðarenda.

Vesturbær er næst þéttbýlasti borgarhluti Reykjavíkur og þar eru næst flestar íbúðir. Framkvæmdir á Héðinsreit og Steindórsreit eru vel á veg komnar og fram undan er uppbygging við Vesturbugt og Frostaskjól.