Hverfisskipulag

Öll gróin hverfi borgarinnar munu fá sérstakt hverfisskipulag þar sem er mótuð stefna um breytingar á húsnæði, fjölgun íbúa, samgöngur, græn svæði og styrkingu verslunar og þjónustu í hverfunum.

Hverfisskipulag er deiliskipulag fyrir gróin hverfi sem á að gera þau vistvænni og sjálfbærari og þróa byggðina í takt við breyttar áherslur. Einfaldara verður fyrir íbúa að sækja um breytingar á húsum sínum eða lóðum með tilkomu hverfisskipulags.

Hver er staðan í mínu hverfi?

Mín eign

Hverfisskipulag heimilar víða viðbyggingar og breytingar á íbúðarhúsum. Einnig er á mörgum stöðum heimilt að búa til aukaíbúð innan núverandi íbúðar eða í bílskúr. Þannig verður auðveldara fyrir íbúa að gera breytingar á sínum eignum og dýrar og tímafrekar grenndarkynningar og deiliskipulagsbreytingar að mestu óþarfar.

Til að sjá hvaða breytingar þú mátt gera þarft þú að skoða hvaða skilmálar gilda fyrir þína eign í hverfisskipulagi.

Meira um mína eign

Grænar áherslur

Í hverfisskipulagi er lögð áhersla á að vernda gróður og styrkja opin svæði í hverfunum. Hverfisgarðar, leiksvæði og kyrrlát svæði eru skilgreind í öllum hverfum til að hvetja til útivistar og bættrar lýðheilsu. Einnig er hugað að flokkun á sorpi og reynt að draga úr hljóð- og loftmengun innan íbúðarbyggðar.

Góð almenningsrými styrkja hverfisvitund og styðja við vistvæna ferðamáta.

Meira um grænar áherslur

Leiðbeiningar

Með hverfisskipulagi fylgja leiðbeiningar sem útfæra skilmála hverfisskipulags nánar og veita ýmsar gagnlegar upplýsingar. Í leiðbeiningunum er fjallað um fjölmörg atriði eins og viðbyggingar, þakbreytingar, svalir, svalalokanir og aðrar breytingar á húsum, útfærslu lóða, borgarbúskap og ýmislegt annað.

Leiðbeiningar hverfisskipulagsins eru nýjung í skipulagsmálum hérlendis og eru fylgiskjöl með öllum hverfisskipulagsáætlunum borgarinnar. Þær eru grundvallaðar á stefnumörkun Aðalskipulags Reykjavíkur.

Skjöl með leiðbeiningum hverfisskipulagsins

Mitt hverfi

Borgin er í stöðugri þróun. Markmið hverfisskipulags er að gróin hverfi fái að þroskast og þróast svo þau geti tekist á við breyttar áherslur en um leið viðhaldið sérkennum sínum og karakter.

Þannig er hægt að horfa til framtíðar en standa vörð um hverfisandann - hjartsláttinn í hverju hverfi.

Meira um mitt hverfi

Vistvænni samgöngur

Mikil áhersla er lögð á að bæta aðstæður fyrir vistvænar samgöngur í hverfisskipulagi og draga úr ónæði af akandi umferð. Aukin notkun vistvænna ferðamáta helst í hendur við markmið um sjálfbær hverfi með aukinni verslun og þjónustu í blandaðri og þéttri byggð.

Meira um vistvænni samgöngur

Samráðsferli hverfisskipulags

Samráðsferlinu við vinnu að nýju hverfisskipulagi er í grunninn skipt upp í sex skref sem fylgja skipulagsvinnunni, allt frá hugmyndaleit í upphafi vinnunnar að samþykktu skipulagi.

Meira um samráð

Spurt og svarað

Algengar spurningar og svör um hverfisskipulag.

Spurt og svarað um hverfisskipulag

Hvað er hverfisskipulag?

Hverfisskipulag er deiliskipulag fyrir gróin hverfi sem á meðal annars að gera þau vistvænni og sjálfbærari og þróa byggðina í takt við breyttar áherslur.

Meira um hverfisskipulag