Ártúnshöfði

Áfangaskipt uppbygging Ártúnshöfða og Bryggjuhverfisins við Elliðaárvog er þegar hafin en þungamiðja framkvæmda á næstunni verður á Ártúnshöfða, með fram fyrirhugaðri Borgarlínu. Byggingarframkvæmdir hófust haustið 2023 á “Höfðanum” er gert ráð fyrir að fyrstu íbúðirnar verði tilbúnar til afhendingar vorið 2025.   

Helstu áfangar:  

• 2014: Reykjavíkurborg auglýsir eftir þátttakendum í forvali fyrir lokaða hugmyndasamkeppni um rammaskipulag Ártúnshöfða og Elliðaárvogs. 

• 2015: Tillaga Arkís, Landslags og Verkís varð hlutskörpust í hugmyndasamkeppninni. 

• 2017: Rammaskipulag samþykkt og vinna hefst við deiliskipulag minni áfanga á svæðinu, þar af eru sex á Ártúnshöfða og tvö við Elliðaárvog/Bryggjuhverfi. Stefnt að því að deili­skipu­lags­áætlan­irn­ar fái BREEAM um­hverf­is­vott­un. 

• 2018: Samþykkt deiliskipulag fyrir Bryggjuhverfi vestur og Bryggjuhverfi III.   

• 2019: Reykjavíkurborg semur við fasteignafélögin Klasa og Heild,. Þau verða lóðarhafar á svæðum  1 og 2 á Ártúnshöfða og taka þátt mótun uppbyggingarhugmynda og kostnaði við uppbyggingu innviða á svæðunum. 

• 2020: Búseti og Bjarg íbúðafélag taka höndum saman um byggingu 134 íbúða á reitum A og B í Bryggjuhverfi III. Þar af eru 108 íbúðir við Tangabryggju 1-7, Gjúkabryggju 2-6 og Beimabryggju 40 á vegum Bjargs og Félagsbústaða en 26 íbúðir við Beimabryggju 32 eru á vegum Búseta.    

• 2021: Reykjavíkurborg heldur forkynningu á deiliskipulagstillögum fyrir svæði 1 og 2 á Ártúnshöfða.  

• 2021-2022: Byggingu 26 íbúða fyrir Búseta lokið í Bryggjuhverfi III og bygging 108 íbúða fyrir Bjarg og Félagsbústaði er vel á vegkomin. Var hluti þeirra afhentur um haustið og þær síðustu sumarið 2022.  

• 2022: Samþykkt deiliskipulag liggur fyrir um byggingu 224 íbúða á reitum D, G og J í Bryggjuhverfi III og vestan megin við þessa reiti liggur fyrir samþykkt deiliskipulag um byggingu 480 íbúða í Bryggjuhverfi-vestur. 

• 2022: Nýtt deiliskipulag auglýst fyrir svæði 1 - Krossmýrartorg á Ártúnshöfða, sem samþykkt var í árslok 2021 í borgarstjórn Reykjavíkur.    

• 2023: Skóflustunga tekin síðsumars að Eirhöfða 7, fyrsta íbúðarhúsinu á svæði 1 á Hamrinum. Framkvæmdir hófust við Eirhöfða 1 undir lok ársins.  

• 2024: Framkvæmdir hafnar við byggingu hagkvæms húsnæðis, alls 103 íbúðir við Gjúkabryggju 10 (lóð G) í Bryggjuhverfi III.   

• 2024: Deiliskipulag fyrir svæði 2A á Ártúnshöfða samþykkt sem heimilar byggingu hátt í 600 íbúða þar. Svæðið nær fyrst og fremst til athafnasvæðis Malbikunarstöðvarinnar og eru m.a. uppi hugmyndir um að reisa þar stóra timburbyggingu með íbúðum og þjónustu. 

• 2024: Jarðvinna og uppbygging hafin á svæði 1 við Breiðhöfða 9 á Ártúnshöfða.  

• 2025: Nýtt deiliskipulag fyrir Ártúnshöfða 7a samþykkt í auglýsingu í ársbyrjun, sem gerir ráð fyrir að allt að 180 íbúðir rísi á reit BM Vallá við Fornalund á Ártúnshöfða. Lundurinn er gróðursælt útivistarsvæði sem verður varðveitt.  

• 2025: Áætlað að ljúka byggingu íbúða við Eirhöfða 7 og hófst sala þeirra í ársbyrjun.  

• 2025: Þrjár lóðir á svæði 1 á Ártúnshöfða eru byggingarhæfar; Breiðhöfði (lóð 3), Breiðhöfði 15 og Stálhöfði 2. Þess er beðið að lóðahafar hefji framkvæmdir.