Sameiginlegur skilningur Reykjavíkurborgar og atvinnulífs

Lýsing á aðgerð og markmið

Aðgerð Græna plansins

Við viljum efla nýsköpunarmenningu hjá Reykjavíkurborg og bæta þjónustu við fyrirtæki og frumkvöðla með því að gera hana einfaldari, stafrænni, aðgengilegri og fyrirsjáanlegri og byggja upp trausta og skilvirka innviði í takt við þarfir atvinnulífs og nýsköpunarsamfélags. Þetta gerum við m.a. við að styðja við Iceland Innovation Week, skilgreina að hluta fjármagns starfseininga verði varið til umbóta- og nýsköpunarverkefna, endurskoða umgjörð innkaupamála með það að markmiði að bæta skapa tækifæri fyrir fleiri aðila, bæta þjónustu við fyrirtæki með rafrænum umsóknarferlum.

 

Framkvæmdatími

Áætluð verklok eru á seinni helmingi ársins 2024

Staða: Í vinnslu

Stöðulýsing 1. júlí 2025

Reykjavíkurborg hefur eflt samstarf við lykilaðila nýsköpunar með endurnýjuðum samningum og virkri þátttöku í verkefnum. Samningar voru kláraðir við Háskóla Íslands um Snjallræði og borgin tekur þátt í stýrihópi hraðalsins. Samningar voru einnig endurskoðaðir og endurnýjaðir við Innovation Week og samþykktir í borgarráði. Borgin tók virkan þátt í hátíðinni með eigin viðburði, miðlun og stuðningi.

Haldið var áfram samstarfi við Climate-KIC með nýsköpunarvinnustofunni Supply-demand workshop, sem leiddi af sér skýrslu og framhaldsaðgerðir. Einnig tók borgin þátt í Hugmyndahraðhlaupi háskólanna með áskorun og ráðgjöf, og átti fulltrúa í stýrihópum Gulleggsins og Hringiðu.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Júlí 2024

Reykjavíkurborg vinnur með fleiri aðilum sem á einn eða annan hátt styðja við vistkerfi nýsköpunar. Borgin er t.a.m. bakhjarl Nýsköpunarviku (Iceland Innovation Week) þar sem 850 aðilar voru með passa á hátíðina þar af 40% alþjóðlegir gestir. 50 innlendir og erlendir fjárfestar tóku þátt, og allskyns opnir viðburðir voru um alla borg sem settu fókus á hinar ýmsu hliðar nýsköpunar. Reykjavíkurborg var með opið hús og örviðburði í Gróðurhúsinu á Lækjartorgi 15.-16. maí sem settu nýsköpun í borginni í fókus. ​

Nálgast má kynningar hér: https://reykjavik.is/iceland-innovation-week .​

Samningar voru endurnýjaðir við Klak – Icelandic Startups vegna Hringiðu og Gulleggsins og voru samningar einnig endurnýjaðir við FabLab Reykjavík.​

Ný umboðsvirkni í tengslum við innskráningu fyrir prókúruhafa á Mínum síðum var tekin í notkun. Það verkefni var mikilvægt fyrsta skref til að auka þjónustu við fyrirtæki með rafrænum hætti.
     

 

Tenging aðgerðar við stefnur Reykjavíkurborgar: