Íbúaráð

Hlutverk og verksvið

• Styrkja tengingu og stytta boðleiðir á milli íbúa og stjórnsýslu borgarinnar 
• Stuðla að aukinni upplýsingagjöf til íbúa 
• Styrkja möguleika íbúa til að koma sjónarmiðum sínum á framfæri og vekja athygli á áskorunum innan hverfisins
• Styðja við og auka samstarf innan hverfanna og efla félagsauð innan þeirra

Íbúaráðin standa að kynningu skipulags, framkvæmda og þjónustu borgarinnar í hverfunum og beita sér fyrir því að samráð verði haft við íbúa, allt eftir eðli máls hverju sinni. Íbúaráð skulu fá til kynningar auglýstar breytingar á skipulagsáætlunum er snerta hverfið, meginbreytingum á þjónustu auk kynninga á stærri framkvæmdum s.s. við umhirðu borgarlandsins og vor- og vetrarþjónustu. 

Sjá einnig samþykkt fyrir íbúaráð Reykjavíkurborgar og tillögur stýrihóps um innleiðingu íbúaráða sem voru samþykktar í borgarráði 10. febrúar 2022. 

Hér má nálgast verklagsreglur íbúaráða.

Skipan íbúaráða og fyrirkomulag

Íbúaráð Reykjavíkurborgar eru níu talsins og starfa í öllum hverfum borgarinnar. Hvert íbúaráð samanstendur af þremur fulltrúum kjörnum af borgarstjórn, fulltrúa foreldrafélaga, fulltrúa íbúasamtaka, fulltrúa foreldrafélaga og slembivöldum fulltrúa. Íbúaráðin funda einu sinni í mánuði, fundir þeirra eru að jafnaði opnir og þeim streymt á vef Reykjavíkurborgar.

• Sjá fundagerðir íbúaráða

Mannréttinda- og lýðræðisskrifstofu þjónustar íbúaráðin og sér um skrifstofuhald fyrir þau.

Starfsmaður íbúaráða er Heimir Snær Guðmundsson.

Hvernig geta íbúar haft áhrif á starfssemi íbúaráða? 

Íbúar eru hvattir til þess að vera virkir í starfsemi sinna íbúaráða. Íbúar geta sent sínum íbúaráðum erindi, fyrirspurnir, ábendingar, hugmyndir eða tillögur sem verða þá ræddar á vettvangi ráðsins.

Hægt er að hafa samban beint á viðkomandi netfang viðkomandi íbúaráðs. Íbúar eru þá hvattir til að koma afmörkuðum ábendingum á framfæri í gegnum ábendingavef Reykjavíkurborgar. 

Hverfissjóður Reykjavíkurborgar

Hverfissjóður Reykjavíkurborgar styrkir hverfisbundin félagasamtök, íbúa og aðra þá sem vilja leggja sitt af mörkum og standa fyrir hverfistengdum verkefnum og/eða viðburðum með framangreind markmið til hliðsjónar.

Ákvörðun um úthlutun úr Hverfissjóði Reykjavíkurborgar er tekin af íbúaráðum Reykjavíkurborgar.

Hægt er að sækja um styrk í sjóðinn allt árið um kring.

• Sjá meira um Hverfissjóð og umsóknarform

Íbúaráðin

Íbúaráðin eru níu samtals og eru í eftirfarandi hverfum:  

• Íbúaráð Árbæjar og Norðlingaholts fundar að jafnaði annan þriðjudag í mánuði kl. 16:30
• Íbúaráð Breiðholts fundar að jafnaði fyrsta miðvikudag í mánuði kl. 16:30
• Íbúaráð Grafarholts og Úlfarsárdals fundar að jafnaði þriðja miðvikudag í mánuði kl.16:00
• Íbúaráð Grafarvogs fundar að jafnaði fyrsta mánudag í mánuði kl. 16:30
• Íbúaráð Háaleitis- og Bústaðahverfis fundar að jafnaði fjórða þriðjudag í mánuði kl. 16:30
• Íbúaráð Kjalarness fundar að jafnaði annan fimmtudag í mánuði kl. 16:00
• Íbúaráð Laugardals fundar að jafnaði annan mánudag í mánuði kl. 16:30
• Íbúaráð Miðborgar og Hlíða fundar að jafnaði fjórða fimmtudag í mánuði kl. 16:30
• Íbúaráð Vesturbæjar fundar að jafnaði þriðja mánudag í mánuði kl. 16:00

Fundir íbúaráða eru boðaðir með viku fyrirvara og birtist dagskrá þeirra á vef borgarinnar.