Skilgreina og mæla reglubundið þjónustuþætti velferðarsviðs

Lýsing á aðgerð og markmið

Aðgerð Græna plansins

Tryggja að notendur séu alltaf í forgrunni við skipulagningu þjónustunnar og hafðir með í ráðum með virku notendasamráði. Aðgerðir:

- Gera aðgengiskönnun meðal notenda velferðarsviðs reglulega

- Skilgreina þjónustuþætti sem verða mældir reglulega

- Sjálfvirkni í notendakönnunum

 

Framkvæmdatími

Áætluð verklok eru á seinni helmingi ársins 2026

Staða: Í vinnslu

Stöðulýsing 1. júlí 2025

Nýr kannanahugbúnaður, Qualtrics, samræmdur fyrir öll svið Reykjavíkurborgar, hefur verið innleiddur á velferðarsviði. Þjónustu- og aðgengiskönnun velferðarsviðs hefur verið framkvæmd þrisvar (2021, 2023 og 2025). Búið er að skilgreina helstu þjónustuþætti sem verða mældir reglulega með könnunum á meðal notenda. Þjónustu- og nýsköpunarstefna er með sjálfvirkar mælingar í kjölfar umsókna um almennt félagslegt húsnæði, heimastuðning og sérstakan heimilisstuðning á Mínum síðum. Undirbúningur sjálfvirkra kannana meðal notenda í kjölfar þjónustuveitingar mun hefjast 2026 samhliða þróun í nýtingu stafrænna lausna.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Janúar 2024 Vinna langt komin með skilgreiningu þjónustuþátta og gerð áætlunar um reglubundnar þjónustukannanir meðal notenda helstu þjónustuþátta í samstarfi við fagskrifstofur.  Tímaáætlun seinkaði vegna þess að kannanahugbúnaður bauð ekki upp á sjálfvirkni í þjónustukönnunum. Viðeigandi kannanahugbúnaður verður keyptur 2024. Aðgerðin fylgir aðgerð 3.2.1. og verða sjálfvirkar kannanir settar upp þar sem við á og tækni býður upp á.
  Júlí 2023

Vinna er hafin við skilgreiningu þjónustuþátta. Ákveðið var að hinkra eftir að skipulagsbreytingar yrðu kláraðar á miðstöðvum ásamt fyrsta innleiðingarfasa Betri borg fyrir börn, þar sem hluti af þessari vinnu skarast. Núverandi kannanahugbúnaður býður ekki upp á sjálfvirkni í þjónustukönnunum.  Frestun á samræmdum innkaupum á kannanahugbúnaði mun hafa áhrif á tímaáætlun þessarar aðgerðar.
  Janúar 2023   Núverandi kannanahugbúnaður býður ekki upp á sjálfvirkni í þjónustukönnunum. Unnið er að því að sanna gildi hugmyndar (e. proof of concept) á nýju kannanakerfi með skóla- og frístundasviði og menningar- og ferðamálasviði, undir leiðsögn þjónustu- og nýsköpunarsviðs. Eitt af skilyrðum fyrir nýju kerfi er gerð mælinga í kjölfar þjónustuveitingar. Verkefnið fer af stað í lok árs 2022 en aðgerðin auk innkaupaferlis í framhaldinu mun taka 1,5-2 ár. Hluti af verkefninu er að prófa hvort möguleiki er á framkvæmd könnunar í kjölfar þjónustuveitingar.

Aðgengiskönnun var framkvæmd vorið 2021 í vinnuferli velferðarstefnu. Talið er betra að framkvæmd aðgengiskönnunar fari fram annað hvert ár í stað árlega. Framkvæma á könnunina næst vorið 2023. Vinna er hafin við skilgreiningu þjónustuþátta. Ákveðið var að hinkra eftir að skipulagsbreytingar yrðu kláraðar á miðstöðvum ásamt fyrsta innleiðingarfasa BBB þar sem hluti af þessari vinnu skarast.
  Júlí 2022

Núverandi kannanahugbúnaður býður ekki upp á sjálfvirkni í þjónustukönnunum. Unnið er að því að sanna gildi hugmyndar (e. proof of concept) á nýju kannanakerfi með skóla- og frístundasviði og menningar- og ferðamálasviði, undir leiðsögn þjónustu- og nýsköpunarsviðs. Eitt af skilyrðum fyrir nýju kerfi er gerð mælinga í kjölfar þjónustuveitingar. Verkefnið fer af stað í lok árs 2022 en aðgerðin auk innkaupaferlis í framhaldinu mun taka 1,5-2 ár. Hluti af verkefninu er að prófa hvort möguleiki er á framkvæmd könnunar í kjölfar þjónustuveitingar.

Aðgengiskönnun var framkvæmd vorið 2021 í vinnuferli velferðarstefnu. Talið er betra að framkvæmd aðgengiskönnunar fari fram annað hvert ár í stað árlega. Framkvæma á könnunina næst vorið 2023. Vinna er hafin við skilgreiningu þjónustuþátta. Ákveðið var að hinkra eftir að skipulagsbreytingar yrðu kláraðar á miðstöðvum ásamt fyrsta innleiðingarfasa BBB þar sem hluti af þessari vinnu skarast.

 

Tenging aðgerðar við stefnur Reykjavíkurborgar:

 

Svið innan Reykjavíkurborgar: