Lífsgæðakjarnar

Á næstu 10 árum gerir borgin ráð fyrir að úthluta lóðum undir 1.100 íbúðir fyrir eldri borgara. Þörfin fyrir slíkt húsnæði er vaxandi en stórir árgangar færast á þriðja æviskeiðið á komandi árum. Á undanförnum árum hafa 465 hjúkrunarrými og íbúðir fyrir aldraða opnað í Reykjavík. ​
​
Reykjavíkurborg auglýsti vorið 2023 eftir samstarfsaðilum og hugmyndum tengdum lífsgæðakjörnum, sem er uppbygging húsnæðis í þágu eldri borgara. Markmiðið er að lífsgæðakjarnarnir séu vel staðsettir í borginni miðað við þróunarsvæði og tengingu við samgöngur. Viðbrögð við auglýsingunni voru góð og bárust 23 svör.  Unnið verður áfram í samskiptum við þessa aðila. Hluti erinda voru hugmyndir sem tengdust verkefninu, ýmis samtök og stofnanir lýstu áhuga á samstarfi og einnig bárust allnokkur erindi frá lóðarhöfum sem vilja byggja upp í anda hugmynda um lífsgæðakjarna á sínum lóðum.​