Ártúnshöfði

Lýsing á aðgerð og markmið

Aðgerð Græna plansins

Ártúnshöfði, Elliðaárvogur er stærsta þróunar- og uppbyggingarsvæði Reykjavíkur. Áætlað er að í þessum nýja borgarhluta rísi allt að 8000 íbúðir og að þar búi allt að 20.000 borgarbúar. Á fyrstu uppbyggingarsvæðunum er gert ráð fyrir 3500 íbúðum, tveimur grunnskólum og einum safnskóla í bland við blómlega þjónustu- og atvinnustarfsemi við Krossmýrartorg. Hryggjarstykki uppbyggingarinnar er meðfram fyrirhugaðri Borgarlínu sem liggur í gegnum mitt skipulagssvæðið.
 
Áætlun fyrir árin 2024-2025: Ártúnshöfðinn skiptist í átta deiliskipulagssvæði, búið er að samþykkja deiliskipulag fyrir tvö þeirra. Í bryggjuhverfi er ferging yfirstandandi og munu þrjár lóðir verða byggingarhæfar 2024. Á deiliskipulagssvæði 1 er uppbygging á tveimur lóðum hafin, stefnt er að því að íbúar muni flytja inn í fyrstu íbúðirnar árið 2025. Gert er ráð fyrir að fleiri lóðir fari í uppbyggingu á þessu svæði árið 2024. Haldið verður áfram með lagna- og gatnavinnu ásamt yfirborðsfrágangi næstu tvö árin á svæði 1. Vinna við deiliskipulag á næstu svæðum (2, 6 og 7) heldur áfram árið 2024, ásamt hönnun á götum, grænum rýmum og Borgarlínu.

 

Framkvæmdatími

Áætluð verklok eru á seinni helmingi ársins 2025

Staða: Í vinnslu

Stöðulýsing 1. júlí 2025

Svæði 1: Vinna við gatnagerð og lagnavinnu er komin vel af stað og verklok áætluð júní

2026. Uppbygging íbúða er í fullum gangi. Uppbygging við Krossamýrartorg er í undirbúningi.

Svæði 2: Vinna við deiliskipulag fyrsta hluta svæðisins er lokið. Gert er ráð fyrir að klára

deiliskipulag fyrir aðra hluta svæðis 2 veturinn 2025/2026.

Svæði 6: Vinna við deiliskipulag stendur yfir og verður svæðið skipulagt í áföngum.

Svæði 7: Deiliskipulagsvinna við fyrsta áfanga svæðisins er að klárast og næsti áfangi er í undirbúningi.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Júlí 2024
Svæði 1: Vinna við gatnagerð og lagnavinnu komin vel af stað. Uppbygging íbúða í fullum gangi.
Svæði 2: Vinna við deiliskipulag fyrsta hluta svæðisins lokið. Vinna við aðra hluta fer af stað í haust.
Önnur svæði: Vinna við deiliskipulag að fara af stað eða nú þegar í vinnslu í samstarfi við hagaðila á viðkomandi svæðum.

 

 

Tenging aðgerðar við stefnur Reykjavíkurborgar:

Svið innan Reykjavíkurborgar: