Hagkvæmt húsnæði fyrir ungt fólk og fyrstu kaupendur

Lýsing á aðgerð og markmið

Aðgerð Græna plansins

Nýjar lausnir og hugmyndir í húsnæðismálum eru mikilvægar til að hvetja til nýsköpunar og framþróunar í uppbyggingu íbúða. Með verkefninu óskar Reykjavíkurborg eftir hugmyndum til þess að auka framboð af hagkvæmu húsnæði fyrir ungt fólk og fyrstu kaupendur. Lóðirnar sem um ræðir eru í Úlfarsárdal, á Kjalarnesi, í Gufunesi, í Elliðaárvogi (Bryggjuhverfi), við Stýrimannaskólann, á Veðurstofureit og í Skerjafirði

 

Framkvæmdatími

Áætluð verklok eru á seinni helmingi ársins 2025

Staða: Í vinnslu

Stöðulýsing 1. júlí 2025

Reykjavíkurborg hóf árið 2018 markvissa sókn í að bjóða upp á hagkvæmt húsnæði fyrir ungt fólk og fyrstu kaupendur. Verkefnið, sem er hluti af húsnæðisáætlun borgarinnar, tryggir að verðhækkanir íbúða fari ekki umfram vísitölu og að ágóði skili sér til kaupenda. Níu samstarfsaðilar voru valdir eftir opið ferli og hafa nú þegar verið afhentar um 250 íbúðir af þeim 700 sem áætlað er að reisa. 

Dæmi um verkefni:

•Þorpið í Gufunesi (137 íbúðir)
•Vaxtarhús við Sjómannaskólareit (60 íbúðir)
•Urðarsel í Úlfarsárdal (52 íbúðir)

HOOS í Skerjafirði, Investis á Kjalarnesi, Variat á Veðurstofuhæð og Bryggjuhverfi III eru í undirbúningi.

Markmiðið er að skapa fjölbreyttar lausnir með áherslu á einfaldleika, sjálfbærni og raunverulegt aðgengi ungs fólks að öruggu húsnæði.

Í mars 2025 var undirrituð viljayfirlýsing Reykjavíkurborgar og verkalýðshreyfingarinnar um aðgerðir til að auka framboð húsnæðis og flýta uppbyggingu en þar var sérstaklega kveðið á um hagkvæmt húsnæði fyrir ungt fólk.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
Tímasetning Lýsing framvindu
Júlí 2024 Framkvæmdir eru í gangi á húsnæði fyrir ungt fólk og fyrstu kaupendur í Gufunesi og Úlfarsárdal. Fyrirspurnarteikningar eru farnar að berast fyrir Vatnsholt. Fornleifarannsóknir eru í gangi í tengslum við verkefnið á Kjalarnesi og enn ríkir óvissa með uppbyggingu í Skerjafirði, þar sem flutningur Reykjavíkurflugvallar hefur verið umdeildur og haft áhrif á framvindu verkefnisins.
Janúar 2024 Framkvæmdir á hagkvæmu húsnæði eru í gangi í Gufunesi, Úlfarsárdal og á reit G í Bryggjuhverfi. Fyrirséð að framkvæmdir hefjist fljótlega á Sjómannaskólareit.
Júlí 2023

Framkvæmdir eru í gangi á þremur svæðum af níu. Búið er að úthluta í Gufunesi, Úlfarsárdal, og við Vatnsholt. Næstu úthlutun innan verkefnisins má vænta í Bryggjuhverfi 2024. Skerjafjörður hefur verið settur á pásu og óvíst með framhaldið enn sem komið er. Ýmsar tafir hafa orðið á einstökum verkefnum t.d. vegna ferginga og fornleifarannsókna.
Janúar 2023    Framkvæmdum er að ljúka hjá Þorpinu í Gufunesi. Framkvæmdir eru í gangi hjá Hoffelli í Gufunesi og Urðarseli í Úlfarsárdal. Búið er að úthluta lóðum við Vatnsholt sem fara fljótlega í uppbyggingu. Næsta úthlutun lóðar verður væntanlega í Skerjafirði auk þess sem tvær lóðir í Bryggjuhverfi verða byggingarhæfar undir lok þessa árs. Deiliskipulagsvinna við Veðurstofuhæð áætluð árið 2023.
Júlí 2022 Framkvæmdir eru í gangi á þremur svæðum af níu. Búið er að úthluta lóðum í Gufunesi, Úlfarsárdal, við Vatnsholt og Bryggjuhverfi. Næsta úthlutun lóðar verður væntanlega í Bryggjuhverfi á þessu ári 2022.

 

Tenging aðgerðar við stefnur Reykjavíkurborgar:

 

Tengdar aðgerðir

Taflan hér fyrir neðan inniheldur þær aðgerðir sem tengjast þessari aðgerð og hægt er að nálgast frekari upplýsingar með því að smella á "heiti aðgerðar" í töflunni (ef þú ert í síma er betra að snúa símanum á hlið).