Ný kortasjá um uppbyggingu húsnæðis

Lýsing á aðgerð og markmið

Aðgerð Græna plansins

Til að bæta upplýsingamiðlun um uppbyggingu íbúða í borginni verður gagnvirkt upplýsingakort þróað sem mun sýna hvar verið er að byggja í Reykjavík og hver framtíðar uppbyggingarsvæði eru. Hægt verður að skoða eftir mismunandi byggingarstigum og eftir hverfum: íbúðir í byggingu, íbúðir í samþykktu deiliskipulagi, íbúðir í skipulagsferli og íbúðir á þróunarsvæðum. Alls eru þetta upplýsingar um rúmlega 26 þúsund íbúðir úr húsnæðisáætlun sem munu vera sýnilegar á kortinu. Til að setja þessa miklu uppbyggingu í samhengi eru í dag um 58 þúsund íbúðir í Reykjavík. 

Framkvæmdatími

Áætluð verklok eru á seinni helmingi ársins 2022

Staða: Lokið

Stöðulýsing 1. janúar 2023

Kortasjáin var formlega tekin í notkun á kynningarfundi borgarstjóra um uppbyggingu íbúða í Reykjavík 4. nóvember 2022. Kortasjáin er uppfærð ársfjórðungslega samhliða gerð ársfjórðungsskýrslna húsnæðismála.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).

Framvinda

Tímasetning Lýsing framvindu
Júlí 2022

Atvinnu- og borgarþróunarteymið hafði frumkvæðið að verkefninu og vann greiningarvinnu, hönnunar- og þróunarvinnu í samstarfi við Þjónustu- og nýsköpunarsvið (ÞON) og Landupplýsingakerfi Reykjavíkur (LUKR). Áframhaldandi þróun á fram- og bakenda er í höndum ÞON og LUKR í samstarfi við Atvinnu- og borgarþróunarteymi. Vefsjáin var opnuð á kynningarfundi 4. nóvember 2022.

Tenging aðgerðar við stefnur Reykjavíkurborgar:

 

Svið innan Reykjavíkurborgar:

 

Tengdar aðgerðir

Taflan hér fyrir neðan inniheldur þær aðgerðir sem tengjast þessari aðgerð og hægt er að nálgast frekari upplýsingar með því að smella á "heiti aðgerðar" í töflunni (ef þú ert í síma er betra að snúa símanum á hlið).