Húsnæði fyrir fatlað fólk

Lýsing á aðgerð og markmið

Aðgerð Græna plansins

Endurskoða á uppbyggingaráætlun húsnæðis fyrir fatlað fólk en samkvæmt lögum ber Reykjavíkurborg að tryggja fötluðu fólki viðeigandi húsnæði. Með húsnæði fyrir fatlað fólk er átt við húsnæðisúrræði í skilningi reglugerðar nr. 370/2016 um húsnæðisúrræði fyrir fatlað fólk, sbr. 3. mgr. 9. gr. laga nr. 39/2018 um þjónustu við fatlað fólk með langvarandi stuðningsþarfir. Þar er um að ræða íbúðarhúsnæði sem gert hefur verið aðgengilegt fyrir tiltekna notkun eða skilgreint sérstaklega fyrir tiltekinn hóp fatlaðs fólks. 

 

Framkvæmdatími

Áætluð verklok eru á seinni helmingi ársins 2022

Staða: Lokið

Stöðulýsing 1. janúar 2024

Aðgerð lokið. Borgarráð samþykkti 11. ágúst 2022 endurskoðaða áætlun frá 2017 um húsnæði fatlaðs fólks. Endurskoðuð áætlun nær til 2028 og er um að ræða 20 íbúðakjarna með 120 íbúðum og tveimur færanlegum húsnæðisteymum sem myndu veita 48 einstaklingum stuðning, alls 168 íbúðir ásamt starfsmannaaðstöðu. Heildarkostnaður til ársins 2028 er talinn 3.688 m.kr. á verðlagi ársins 2022 með stofnkostnaði.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Júlí 2023 Þann 11. ágúst 2022 samþykkti borgarráð endurskoðaða áætlun, til viðbótar við áætlun frá 2017, um uppbyggingu húsnæðis fyrir fatlað fólk. Endurskoðuð áætlun nær til 2028 og er um að ræða 20 íbúðakjarna með 120 íbúðum og tveimur færanlegum húsnæðisteymum sem myndu veita 148 einstaklingum stuðning. Alls eru þetta 168 íbúðir ásamt starfsmannaaðstöðu. Heildarkostnaður til ársins 2028 er talinn 3.688 m.kr. á verðlagi ársins 2022 með stofnkostnaði.Samþykkt borgarráðs byggir á vinnu starfshóps sem skipaður var með erindisbréfi borgarstjóra þann 28. mars 2022 og skilaði niðurstöðum í maí sama ár. Eftir yfirferð fjármála- og áhættustýringarsviðs voru tillögur hópsins lagðar fyrir borgarráð í ágúst og samþykktar eins og að framan greinir.
  Júlí 2022 Starfshópur velferðarsviðs, umhverfis- og skipulagssviðs og Félagsbústaða lauk vinnu við að endurskoða uppbyggingu fyrir fatlað fólk. Áætlunin er til viðbótar gildandi áætlun frá 2017 og nær til 2028. Um er að ræða 20 íbúðakjarna með 120 íbúðum og tveimur færanlegum húsnæðisteymum sem myndu veita 48 einstaklingum stuðning, alls 168 íbúðir ásamt starfsmannaaðstöðu. Heildarkostnaður til ársins 2028 er talinn 3.688 m.kr. á verðlagi ársins 2022 með stofnkostnaði. Auk endurskoðaðrar áætlunar lagði hópurinn til að stofnaður verði samráðshópur velferðarsviðs, umhverfis- og skipulagssviðs, skrifstofu borgarstjóra og borgarritara og Félagsbústaða til að ákvarða staðsetningu húsnæðis fyrir fatlað fólk og skilgreina byggingarreiti. Gert er ráð fyrir að hópurinn taki til starfa á haustdögum 2022. 

 

Tenging aðgerðar við stefnur Reykjavíkurborgar: