Innleiðing aðgerða matarstefnu

Lýsing á aðgerð og markmið

Aðgerð Græna plansins

Matarstefna borgarinnar fléttast inn í ýmsa þætti líkt og borgarumhverfi, umhverfisvernd og heilsueflingu. Með aðgerðaráætlun matarstefnu er stuðlað að þróun og mótun samfélagsins í sátt við umhverfi og heilsu. Meginmarkmið með innleiðingu aðgerða matarstefnu Reykjavíkurborgar er að stuðla að betri heilsu Reykvíkinga sem og því að borgin nái markmiðum sínum hvað varðar sjálfbærni og hagkvæmni þar sem við á. Aðgerðir matarstefnu stuðla einnig að lifandi grænu samfélagi, bættu fæðuöryggi og aðgengi að næringarríkum mat.