Hringrásargarður á Álfsnesi
Lýsing á aðgerð og markmið
Aðgerð Græna plansins
Eitt stærsta verkefni næstu ára verður að innleiða hringrásarhagkerfi í auknum mæli, þar sem munir og efni er betur nýtt, endurnýtt og endurunnið. Markmiðið með Hringrásargarði á Álfsnesi er að minnka sóun og bæta nýtingu. Hringrásargarður á Álfsnesi getur orðið mikilvægur liður í að efla hringrásarhagkerfið í Reykjavík en með þróun verkefnisins er markmiðið að stuðla að auknu samstarfi, verkefnum og nýsköpun þegar kemur að hringrás muna og efna til að ná megi markmiðum um að hætta urðun og stuðla að því að svokallaðir úrgangsstraumar verði að auðlindum. Ráðgjafateymi hefur unnið og skilað af sér fýsileikagreiningu fyrir Hringrásargarðinn. Á grunni skýrslunnar mun þróunar- og skipulagsvinna nú hefjast.
Framkvæmdatími
Áætluð verklok eru á seinni helmingi ársins 2025
Stöðulýsing 1. júlí 2025
Teymi Nordic Architecture og EFLU var valið í kjölfar opinnar verðfyrirspurnar til að móta þróunaráætlun og rammaskipulag fyrir Hringrásargarðinn á Álfsnesi. Teymið kynnti fyrstu drög fyrir starfshópi í lok árs 2024 og stóð síðar fyrir vinnustofu í mars 2025 með þátttöku lykilhagaðila. Þar voru kynntar mismunandi sviðsmyndir um þróun garðsins, byggðar á greiningu á innviðum, landsháttum, efnisstraumum, auðlindaþörf og viðskiptatækifærum. Hagaðilar komu með ábendingar og ræddu hvaða samsetningar atvinnugreina og strauma gætu best endurspeglað framtíðarsýn fyrir Hringrásargarðinn. Vinna ráðgjafanna heldur áfram og stefnt að því að fyrsti hluti verkefnisins þróunaráætlun og skipulagslýsing verði kynnt í borgarráði í janúar 2026.
Eldri stöðulýsingar
Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
Eldri stöðulýsingar
| Tímasetning | Lýsing framvindu | |
| Júlí 2024 | Ráðgjafateymi kynnti drög að skýrslu um fýsileika hringrásargarðs á Álfsnesi fyrir starfshóp sem fékk tækifæri til að koma með athugasemdir og tillögur að breytingum. Skýrslan var hér eftir uppfærð með tilliti til athugasemda og lauk ráðgjafateymi vinnu sinni á síðari hluta árs 2023. Skýrslan inniheldur þrjá meginhluta. Fyrsti hluti: Greining auðlindastrauma og mögulegs iðnaðarvistkerfis. Annar hluti: Skipulag, áfangar og möguleikar til framtíðar. Þriðji hluti: Undirbúningur, umsjón og fjármögnun. | |
| Júlí 2023 | Ráðgjafateymi sem vann útboð vann að fýsileikagreiningunni og kynnti drög að fyrsta vinnupakka fyrir starfshópi. Ráðgjafateymi átti samtal við ýmsa hagaðila þar á meðal Sorpu, Faxaflóahafnir og áhugasöm fyrirtæki við gerð skýrslunnar. Skýrsla verður kláruð haust 2023 og kynnt fyrir starfshópi, borgarstjóra og öðrum lykilaðilum. | |
| Janúar 2023 | Undirbúningur útboðs um fýsileikagreiningu vegna þróunar hringrásargarðs á Álfsnesi hélt áfram í samvinnu við starfshóp Hringrásargarðsins. Starfshópurinn samanstendur m.a. af aðilum frá Sorpu, Faxaflóahöfnum, Samtökum iðnaðarins og Samtökum Sveitafélaga á Höfuðborgarsvæðinu. Ákveðið var að fara í opið útboð undir merkjum verðfyrirspurnar. | |
| Júlí 2022 | Settur hefur verið á fót starfshópur til að taka afstöðu til og útfæra tillögur um Hringrásargarð á Álfsnesi. Fyrsti fundur starfshóps var haldinn 27. maí þar sem rætt var um með hvaða hætti rekstrar- og uppbyggingaraðilar og borgin vilja vinna saman að þróun, uppbyggingu og framgangi Hringrásargarðs á Álfsnesi. Mikill áhugi er hjá starfshóp um verkefnið og sér hann mikla möguleika í þróun þess. Starfshópur vinnur nú að útboði þar sem auglýst verður eftir aðila til að útfæra nánar þá möguleika sem felast í að skapa Hringrásargarð og hvaða leiðir má fara. |
Tengdar aðgerðir
Markmið í umhverfismálum
- 1. Samdráttur í losun gróðurhúsalofttegunda | Græna planið Kolefnishlutlaus borg fyrir árið 2040 og aðlögun að loftlagsbreytingum með vistvænum hætti.
- 2. Aukin kolefnisbinding og efling grænna svæða | Græna planið Aukin ræktun, nýting og samtenging milli grænna svæða.
- 3. Borgin aðlöguð að áhrifum loftlagsbreytinga | Græna planið Vinna gegn loftlagsbreytingum og aðlögun að þeim.
- 4. Bætt aðgengi að heilnæmum útivistarmöguleikum og matvælum | Græna planið Áhersla á lýðheilsusjónarmið og aukinn borgarbúskap.
- 5. Vistvænar samgöngur | Græna planið Fjárfesting í samgönguinnviðum á grænum og fjölbreyttum forsendum.