Hönnunarsamkeppni um breytingar á Laugardalslaug
Lýsing á aðgerð og markmið
Aðgerð Græna plansins
Með hönnunarsamkeppni er stefnt að því að Laugardalslaug ásamt stúkumannvirki og útisvæðum verði endurbætt og verði að lýðheilsu- og menningarmiðstöð. Samkomustaður í víðum skilningi þar sem ólík starfsemi fléttast saman og áhersla er lögð á góða þjónustu við almenning. Þá er lögð áhersla á að öll hönnun og úrbætur taki tillit til umhverfisvænna lausna og viðmiða og að áhersla verði lögð á endurnýtingu og sjálfbærni í samræmi við hugmyndafræði Græna plansins. Hönnunarsamkeppnin verður í tveimur þrepum og haldin í samráði við Arkitektafélag Íslands.
Framkvæmdatími
Áætluð verklok eru á fyrri helmingi ársins 2026
Stöðulýsing 1. júlí 2025
Verkefni hefur verið frestað til 2029.
Eldri stöðulýsingar
| Tímasetning | Lýsing framvindu |
| Janúar 2024 | Vinna við forsögn er að ljúka. Hönnunarsamkeppni um breytingar á Laugardalslaug er ekki hafin en til stendur að hún hefjist byrjun árs 2024. Til stendur að endurnýja laugarker og potta á útisvæði ásamt því að bæta aðstöðu til afþreyingar fyrir börn á öllum aldri. Þá eru einnig uppi hugmyndir um að endurgera stúku laugarinnar. |
| Júlí 2023 |
Undirbúningur fyrir Hönnunarsamkeppni er í ferli hjá eignaskrifstofu á fjármála- og áhættustýringarsviði Reykjavíkurborgar. |
| Janúar 2023 | Forsögnin er tilbúin en það á eftir að fara í hönnunarsamkeppni og stefnt að því að gera það 2023. Áætlað er að framkvæmdir hefjist 2024. |
| Júlí 2022 | Á tólfta hundrað hugmynda bárust í opna hugmyndasöfnun í byrjun árs vegna endurgerðar Laugardalslaugar. Árið 2023 verður farið í hönnunarsamkeppni á Laugardalslaug og tengdum mannvirkjum í samráði við Arkitektafélag Íslands. Áætlað er að framkvæmdir hefjist 2024. |
Tenging aðgerðar við stefnur Reykjavíkurborgar:
Tengdar aðgerðir
Borg fyrir fólk
- 1. Fyrir okkur öll | Græna planið Góð líðan íbúa og að við upplifum að Reykjavík sé fyrir okkur öll.
- 2. Látum draumana rætast | Græna planið Börn og unglingar láta draumana sína rætast.
- 3. Menning og listir verða samofin borgarlífinu | Græna planið Öll hafi jöfn tækifæri til að taka þátt í njóta menningar og lista.
- 4. Íþróttir fyrir öll | Græna planið Flest stundi reglulega íþróttir eða aðra hreyfingu.
- 5. Bætt lýðheilsa | Græna planið Heilsueflandi, sjálfbært og fjölskrúðugt borgarsamfélag.
- 6. Mannréttindi, aukin þátttaka og bætt samtal við íbúa | Græna planið Íbúar fá tækifæri til að vinna með borginni að bættum lífsgæðum.