Uppbygging í Efra-Breiðholti: Dans- og fimleikahús

Lýsing á aðgerð og markmið

Aðgerð Græna plansins

Til stendur að fara í samkeppni um nýtt dans- og fimleikahús við Gerðuberg 1 í Breiðholti. Byggingin verður staðsett í hverfismiðjunni við Austurberg, samkvæmt tillögum að nýju hverfisskipulagi fyrir Breiðholt. Miðað er við að byggingin verði 2-3 hæðir og 2.-3.000m2 að stærð. Rýmið mun innihalda fimleikasal, þrjá danssali, black box sal, karatesal, búningsaðstöðu, geymslurými og anddyri. Aðliggjandi rými munu innihalda áhaldageymslu, búningsklefa, aðstöðu starfsfólks/íþróttakennara, hvíldaraðstöðu/sjúkraherbergi, snyrtingar og stjórnunar- og starfsmannarými. Gera skal ráð fyrir samnýtingu bílastæða á nærliggjandi lóðum og unnið hefur verið samgöngumat þar sem gerð er grein fyrir aðkomu íbúa og gesta að byggingunni.