Frístundavefurinn Frístund.is
Lýsing á aðgerð og markmið
Aðgerð Græna plansins
Fristund.is er upplýsingavefur sem hefur m.a. að geyma námskeið sem eru í boði á hverjum tíma fyrir börn. Aðildarfélög geta auglýst hvaða námskeið þau bjóða upp á hverju sinni. Vefurinn er í þróun og hefur verið stofnaður starfshópur miðlægt til að hugsa vefinn upp á nýtt.
Framkvæmdatími
Áætluð verklok eru á seinni helmingi ársins 2025
Stöðulýsing 1. júlí 2025
Vefurinn er ekki tilbúinn og þar af leiðandi ekki kominn í notkun. Fyrirtækið Júní sá um hönnunina á vefnum í samvinnu við menningar- og íþróttasvið, skóla- og frístundasvið og velferðarsvið. Samkvæmt samningi á Abler að setja upp vefþjónustu sem hefur dregist hjá þeim. Það hefur frestað uppsetningu og prófunum með forritara frá Júní sem gerði vefinn. Stefnt er að því að vefurinn verði kominn í notkun sumarið 2025.
Eldri stöðulýsingar
| Tímasetning | Lýsing framvindu |
| Janúar 2024 | Starfshópurinn fundaði fast tvisvar sinnum í mánuði. Byrjað var á því að kortleggja verkefnið og margir komu að borðinu. Næst var farið ítarlega yfir fristund.is bæði efnislega og útlitslega og ýmsu velt upp. Það hefur farið mikill tími í að velta upp hvernig bakendi vefsíðunnar á að vera, þ.e. hvort að borgin þurfi að leita til fyrirtækis eða hvort hægt sé að útbúa vefinn innanhúss. Það sem hefur seinkað ferlinu er aðallega útfærsla tæknilegra atriða og kostnaður. Einnig var gerð verðfyrirspurn og var einungis eitt fyrirtæki sem lagði fram tilboð. Markmiðið með vinnunni var og er að einfalda vefinn og gera hann notendavænni fyrir íbúa. Til að komast að því var m.a. sendur út spurningalisti í formi könnunar, til félaga sem kom ágætlega út. Samkvæmt tímalínu starfshóps átti vefurinn að fara í loftið sumarið 2024 en það mun líklega ekki nást. |
| Júlí 2023 |
Markmið verkefnisins er að frístundavefurinn tryggi aðgang að upplýsingum um framboð þjónustu fyrir börn og ungmenni sem Reykjavíkurborg og félög með barna- og ungmennastarf veita með miðlægum og notendavænum þekkingar- og leitargrunni. Stofnaður hefur verið starfshópur og markmiðið er að nýr frístundavefur verði kominn í notkun fyrir sumarið 2024. |
| Janúar 2023 | Búið er að stofna vinnuhóp sem mun m.a. endurskoða uppbyggingu á fristund.is. Stefnt er að því að búa til vefsíðu með öllu sem borgin býður upp á fyrir börn. |
| Júlí 2022 | Árið 2023 verður haldið áfram að vinna í uppbyggingu nýs frístundavefs með stafrænum leiðtoga sviðsins. |
Tenging aðgerðar við stefnur Reykjavíkurborgar:
Aðgerðir
Borg fyrir fólk
- 1. Fyrir okkur öll | Græna planið Góð líðan íbúa og að við upplifum að Reykjavík sé fyrir okkur öll.
- 2. Látum draumana rætast | Græna planið Börn og unglingar láta draumana sína rætast.
- 3. Menning og listir verða samofin borgarlífinu | Græna planið Öll hafi jöfn tækifæri til að taka þátt í njóta menningar og lista.
- 4. Íþróttir fyrir öll | Græna planið Flest stundi reglulega íþróttir eða aðra hreyfingu.
- 5. Bætt lýðheilsa | Græna planið Heilsueflandi, sjálfbært og fjölskrúðugt borgarsamfélag.
- 6. Mannréttindi, aukin þátttaka og bætt samtal við íbúa | Græna planið Íbúar fá tækifæri til að vinna með borginni að bættum lífsgæðum.