Austurheiðar ná yfri Hólmsheiði, Grafarheiði og Reynisvatnsheiði, alls um 930 ha svæði, og innan svæðisins eru Rauðavatn, Reynisvatn og Langavatn að hluta. Uppbygging svæðisins er þáttur stefnu borgarinnar í að gera svæðið að aðgengilegu útivistarsvæði og efla lýðheilsu.

Í fyrsta áfanga verður í Lyngdal byggður upp leik- og áningarstaður í skógarstíl, bílastæði verður lagfært stækkað og afmarkað, nýjir malarstígar lagðir og borið í eldri stíga, upplýsingaskilti verða sett upp og gönguleiðir merktar. Í Paradísarskál sem er mikið notað af hundaeigendum er lausaganga hunda heimiluð. Þar verður gert áningarsvæði fyrir fólk og dýr, og æfingasvæði fyrir hunda, stígur að svæðinu verður breikkaður og aðrir lagfærðir, bekkir settir upp og upplýsingaskilti með merkingum gönguleiða.

Gönguleiðir á svæðinu verða kortlagðar og merktar eftir litakerfi og sett verða upp upplýsingaskilti, vegstikur og vegprestar.

Hvað kostar þetta?

Áætlaður heildarkostnaður þessa áfanga er 45 milljónir.