Starfsþróun

Teikning af fólki að horfa á skjái.

Mixtúra veitir starfsstöðum SFS stuðning og ráðgjöf við innleiðingu á stafrænni tækni og skapandi vinnu, stuðlar að samstarfi við háskóla um starfsþróun og veitir stuðning við þróun og nýsköpun. 

Starfsstaðir skóla- og frístundasviðs geta óskað eftir fræðslu, vinnustofum og menntabúðum fyrir stærri og minni hópa án endurgjalds. Kennsluráðgjafar Mixtúru eru staðsettir á Menntavísindasviði Háskóla Íslands og þar er Búnaðarbankinn einnig til húsa. 

Menntastefna Reykjavíkurborgar

Meginmarkmið Menntastefnu Reykjavíkurborgar er að öll börn vaxi, dafni og uni sér saman í lýðræðislegu samfélagi sem einkennist af mannréttindum og virðingu fyrir fjölbreytileika mannlífs.

Starfsþróun og stuðningur

Starfsþróun Mixtúru - vorönn 2025

Starfsþróunarbæklingur Mixtúru - Vor 2025

Yfirlit og nánari lýsingar má finna í bæklingnum okkar og skráning fer fram á Torginu. 

Nánari upplýsingar um fræðslustundir og viðburði sem haldnir eru í samstarfi við Menntavísindasvið HÍ er hægt að finna á viðburðadagatali Nýmenntar.

Fræðsla á vegum Mixtúru stendur öllum starfsstöðum SFS til boða án endurgjalds. 

Öll námskeið, vinnustofur og smiðjur verða haldin á Menntavísindasviði Háskóla Íslands í Stakkahlíð, nema annað sé tekið fram. 
Auk þessara tímasettu viðburða er alltaf hægt að panta sérsniðna fræðslu, vinnustofur og ráðgjöf til starfsstaða í gegnum netfangið mixtura@reykjavik.is. 

Við bendum sérstaklega á eftirfarandi dagskrárliði: 

  • Mánudagarnir 13. og 20. janúar kl. 14:30-16:00
    Google skólaumhverfið - grunnnámskeið Skráning í gegnum Torgið 
  • Fimmtudagurinn 16. janúar kl. 15:00-16:00
    Lestrarleikurinn Graphogame - fræðslustund Skráning
  • Mánudagurinn 27. janúar kl. 15:00-16:00
    Gervigreind í skólastarfi - fræðslustund

 

  • Fimmtudagurinn 20. mars kl. 14:00-16:00
    Menntabúðir: Stafræn tækni og sköpun Skráning

Upplýsingar um þátttöku og skráningu verða sendar út síðar en í þessu stutta myndbandi má sjá stemmninguna í fyrra.

Starfsþróun Mixtúru - Óskir um fræðslu eða vinnustofur starfstöðum að kostnaðarlausu

Starfsstaðir SFS geta óskað eftir fræðslu/vinnustofum frá ráðgjöfum Mixtúru fyrir stærri og minni hópa sem og einstaklinga. Vinnustofurnar eru útfærðar í samráði við starfsstaði. Hægt er að panta fræðslu, vinnustofur og ráðgjöf á mixtura@reykjavik.is.

Miðað er við 1,5 klst. dagskrá, nema óskað sé eftir öðru.

Dæmi um fræðslu og ráðgjöf:

  • Kynning á Mixtúru og möguleikum Búnaðarbanka SFS
  • Google skólaumhverfið
  • Raftextíll og rafrásir
  • Cricut fjölskerinn (m.a. bolagerð, töskugerð og vegglímmiðar)
  • Forritun og forritanleg hugsun
  • Myndbandagerð
  • Hlaðvarpsgerð og hljóðupptökur
  • Samþætting, skapandi og fjölbreytt skil
  • Raddinnsláttur, þýðingavélar, talgervlar og önnur styðjandi tækni
  • Möguleikar gervigreindar

Nánari upplýsingar í gegnum netfangið mixtura@reykjavik.is.

Starfsþróun í samstarfi við Menntavísindasvið HÍ

Starfsþróun fyrri ára hjá Mixtúru

Hægt er að óska eftir fræðslu sem ekki er á dagskrá á vorönn 2023, sendið fyrirspurn á mixtura@reykjavik.is. 

Skóla- og frístundasvið - Stuðningur við starfsstaði

Stafræna skólaumhverfið í Google - leiðbeiningar og kennslumyndskeið

Hér má finna leiðbeiningar um öll helstu forrit Google skólaumhverfisins. Það er misjafnt hvað hentar hverjum og því að finna leiðbeiningar til útprentunar, skýringamyndir um afmarkaða hluti og kennslumyndskeið.  

Mixtúra

Sköpunar- og tækniver skóla- og frístundasviðs Reykjavíkur

 

Mixtúra er staðsett á Menntavísindasviði HÍ við Stakkahlíð, í stofu K-101 og K-104 í Kletti.

 

Opnunartími Búnaðarbankans:

Mánudagar frá kl. 13:30-15:00
Föstudagar frá kl. 9-11 og 13:30-15:00

Þú getur haft samband með tölvupósti: mixtura@reykjavik.is
Sími 411 7080