Skrekkur

Skrekkur er árleg hæfileikakeppni fyrir grunnskólanemendur í Reykjavík. Grunnskólar með unglingadeild geta sent eitt atriði í keppnina.

Fyrirkomulag keppninnar er að allt að 24 skólar keppa á þremur undanúrslitakvöldum í Borgarleikhúsi og keppnin nær hámarki fjórða kvöldið þegar keppt er til úrslita.

Höfundur verðlaunagrips Skrekks er Sigrún Gunnarsdóttir, leirlistakona.

Reglur og tækjalisti Lýsing á atriði og heimildaskrá

Hvenær er Skrekkur?

Skrekkur mun fara fram í Borgarleikhúsinu dagana 9., 10. og 11. nóvember 2026 og úrslit verða 16. nóvember.

Undanúrslit eru í vefútsendingu á RÚV en lokakvöldinu verður sjónvarpað beint í línulegri dagskrá á RÚV eins og venjan hefur verið síðustu ár.

Harpa Þorvaldsdóttir er verkefnastjóri Skrekks veitir allar upplýsingar.

Reglur og tækjalisti Senda fyrirspurn í tölvupósti

Skrekkstungan

Skrekkstungan eru verðlaun sem veitt eru því atriði sem þykir skara framúr í skapandi notkun á íslensku. Markmið verðlaunanna er að styðja við jákvæð viðhorf gagnvart íslensku og draga fram möguleika íslensku í skapandi starfi.

Öll atriði Skrekks koma til greina og atriðið þarf ekki að hafa komist í úrslit til þess að geta unnið Skrekkstunguna.

Bókmenntaborgin og Miðja máls og læsis standa að baki verðlaununum og skipa dómnefnd ár hvert.

Meira um Skrekkstunguna

Hvernig velur dómnefnd Skrekkstunguna?

Íslenska þarf að vera efniviður á einhvern hátt

Atriðið þarf að vera á íslensku eða íslensku táknmáli

Lykilatriði er að nýta íslensku til tjáningar á einhvern hátt

Það má nota fleiri tungumál í atriðinu með, en ekki í staðinn fyrir íslensku

Atriðið þarf alls ekki að vera á „fullkominni“ íslensku eða samræmast einhverjum málstaðli. Slettur, alls konar unglingamál og íslenska með hreim, þetta er allt hluti af málheimi íslenskra unglinga.

Íslenska á að vera nýtt á skapandi hátt

Frumleiki

Ný sýn

Sköpunargleði

Hið óvænta

Jákvætt viðhorf til íslensku og möguleikum tungumálsins

Eignarhald á tungumálinu - „Ég á málið og má nota það eins og mér hentar“

Skrekkur á miðlunum

Skrekkur er með Facebook síðu þar sem birtast fréttir úr keppninni, frá undanúrslitakvöldum og sjálfu úrslitakvöldinu. Efni frá Skrekk er líka aðgengilegt á fleiri miðlum.