Jafnréttisskólinn
Hlutverk Jafnréttisskólans er að skapa vettvang og veita fræðslu, ráðgjöf og stuðning varðandi jafnréttismenntun, mannréttindi og kynheilbrigði til starfsfólks í skóla- og frístundastarfi borgarinnar, auk barna og foreldra eftir atvikum.
Jafnréttisskólinn hlaut hvatningarverðlaun Íslensku menntaverðlaunanna 2023 fyrir ómetanlegt starf við að miðla þekkingu og ráðgjöf til stjórnenda og starfsfólks SFS varðandi jafnréttis- og kynheilbrigðismál.
Frá tabú í traust
Fimm fræðslumyndbönd fyrir foreldra yngri barna (leikskóli og yngsta stig) um kynfræðslu og forvarnir gegn kynferðislegu ofbeldi.
Að ná áttum
Bæklingur sem hugsaður er sem stuðningur við aðstandendur barns þegar upp hafa komið áhyggjur af velferð þess vegna alvarlegs atviks.
Í bæklingnum má finna ráð hvernig hægt er að tala við börn og þær vísbendingar sem benda til þess að alvarleg atvik eða ofbeldi hafi átt sér stað.
Að ræða við yngri börn þegar áhyggjur vakna
Ráð um hvernig ætti að tala við yngri börn ef áhyggjur af öryggi þeirra vakna auk upplýsinga um fræðsluefni.
Vika6
Vika6 er sjötta vika ársins. Hún hefur fest sig í sessi sem árleg vika kynheilbrigðis í öllum grunnskólum og frístundamiðstöðvum. í Viku6 ættu öll börn og unglingar í borginni að fá kynfræðslu í einhverju formi.
Hinsegin- og kynjafræðsla
Hér getur þú skoðað verkfærakistu með verkefnum tengdum hinsegin- og kynjafræðslu.
Jafnréttismenntun
Markmið jafnréttismenntunar er að skapa tækifæri fyrir öll börn til að þroskast á eigin forsendum
Alþjóðlegur dagur mannréttinda barna 20. nóvember
Árið 2025 var þemað byggt á 12. grein Barnasáttmála sameinuðu þjóðanna - Virðing fyrir skoðunum barna.
Fræðsluefnið er aldursskipt:
20. nóvember 2024
Jafnréttisskólinn útbjó fræðsluefni í tilefni dagsins.
Þemað árið 2024 var samtvinnun.
Fræðsluefnið er aldurskipt í fjóra aldursflokka:
Spurt og svarað um kynfræðslu og hinseginfræðslu
Af hverju er hinseginfræðsla mikilvæg? Eða kynfræðsla? Eiga foreldrar rétt á að taka barn úr skóla þegar hinseginfræðsla eða kynfræðsla fer fram? Hér finnur þú svör við ýmsum spurningum varðandi kynfræðslu og hinseginfræðslu barna.
Jafnréttisskólinn er á Instagram og TikTok
Á Instagram er síða sem ætluð er elstu bekkjum grunnskólans og ber nafnið #jafnrettisskolinn.vika6. Þar má finna ýmsan fróðleik um kynheilbrigði og hægt er að fylgjast með í 'story' hvað félagsmiðstöðvar og grunnskólar borgarinnar eru að gera í tilefni vikunnar. Síða Jafnréttisskólans á TikTok ber nafnið: @jafnrettisskolinn.vika6
Verndum öll börn!
Upptökur frá erindum á rafrænni málstofu um mikilvægi kynfræðslu og hinseginfræðslu. Málstofan Verndum öll börn! var haldin 20. nóvember 2023.
Ertu normal?
Hér er boðið upp á spennandi verkefni þar sem unglingar fá tækifæri til að velta fyrir sér þröngum ramma samfélagsins um hvað er að vera normal. Verkefnið felur í sér fræðslu í myndbandaformi og endar með ljósmyndasýningu á verkum þátttakenda.
En ég var einn!
Fyrirlestraröðin En ég var einn! Sjálfsmynd stráka og kerfið var haldin í samstarfi Jafnréttisskóla Reykjavíkur, Geðhjálpar og Menntavísindasviðs Háskóla Íslands. Hér má finna myndbönd frá ráðstefnunni.
