Mixtúra

Teikning af kennara og barni að vinna með þrívíddarprentara.

Mixtúra, sköpunar- og tækniver skóla- og frístundasviðs styður við stafræna tækni í námi, kennslu, leik og störfum.

Mixtúra er staðsett á Menntavísindasviði Háskóla Íslands. Þar má sækja starfsþróun og ráðgjöf, kynna sér sköpunarsmiðjuna og sækja náms- og kennslugögn í Búnaðarbanka SFS.

Kynntu þér þjónustuna

Teikning af fólki að horfa á skjái.

Starfsþróun Mixtúru
Mixtúra býður upp á skipulagða fræðsluviðburði. Eins geta starfsstaðir SFS óskað eftir fræðslu, vinnustofum og menntabúðum fyrir stærri og minni hópa sem sérsníða má að hverjum stað.
Lesa meira
Teikning af skóla, nemendum og kennurum

Stafrænt nám
Hér má nálgast hagnýtar upplýsingar um námstæki, hugbúnað, persónuvernd og ýmsar leiðbeiningar fyrir starfsfólk, nemendur og foreldra.
Lesa meira
Drengur að sauma á saumavél.

Skapandi tækni
Í sköpunarsmiðju Mixtúru hefur starfsfólk SFS og nemar Menntavísindasviðs Háskóla Íslands aðgang að ráðgjöf, búnaði og fyrirmyndum. Áhersla er lögð á að styðja við stafræna hönnun, nýsköpun og framþróun náms- og kennsluhátta.
Lesa meira

Búnaðarbanki SFS

Skoðaðu, pantaðu og prófaðu náms- og kennslugögn

Búnaðarbankinn býður starfsfólki skóla- og frístundasviðs Reykjavíkurborgar upp á endurgjaldslaus útlán á fjölbreyttum náms- og kennslugögnum í allt að þrjár vikur.

Starfsemin byggir á hugmyndum deilihagkerfisins, þar sem starfsstaðir geta nýtt sameiginlegan búnað og kennslugögn, prófað nýjar lausnir og metið notagildi þeirra áður en ákvörðun er tekin um möguleg kaup. Þannig stuðlar Búnaðarbankinn að hagkvæmri nýtingu fjármuna, minni sóun og auknum tækifærum til nýsköpunar í skóla- og frístundastarfi.

Starfsfólk á öllum starfsstöðum SFS getur skráð sig inn, pantað gögn og sótt þau í Búnaðarbankann. Við skráningu þarf að nota netfang Reykjavíkurborgar og skrá nafn starfsstaðar í stað heimilisfangs.

Starfsfólk og nemar við Menntavísindasvið Háskóla Íslands hafa einnig aðgang að búnaðarbankanum í gegnum tengilið Mixtúru.

Opnunartími

  • Mánudagar: 13:00-16:00
  • Föstudagar: 09:00-13:00

Á þessum tímum er starfsfólk á staðnum til að afgreiða pantanir og veita ráðgjöf. Ef tíminn hentar ekki er velkomið að hafa samband og finna annan tíma.

Staðsetning
Saga, Menntavísindasvið Háskóla Íslands
Hagatorg 1
3. hæð, stofa S-324

Meira á vef Búnaðarbanka
Tveir krakkar að vinna með örtölvu.

Mixtúra

Um alla borg er stafræn tækni nýtt á markvissan, ábyrgan og framsækinn máta.

 

Stutt myndband  frá Menntastefnumótinu þann 17. maí 2024 sem sýnir stafræna grósku í skóla- og frístundastarfi borgarinnar.

Mixtúra

Sköpunar- og tækniver skóla- og frístundasviðs Reykjavíkur

 

Mixtúra er staðsett á Menntavísindasviði HÍ

 

Opnunartími Búnaðarbankans:

Mánudagar frá kl. 13:30-15:00
Föstudagar frá kl. 9-11 og 13:30-15:00

Þú getur haft samband með tölvupósti: mixtura@reykjavik.is