Hverfisskipulag fyrir Breiðholt
Hverfisskipulag fyrir Breiðholt
Hverfisskipulag fyrir Neðra-Breiðholt, Seljahverfi og Efra-Breiðholt, ásamt leiðbeiningum, hefur verið staðfest og tók það formlega gildi 4. maí 2022 með birtingu auglýsingar í B-deild Stjórnartíðinda.
Hverfisskipulag er skipulagsáætlun fyrir gróin hverfi og kemur í stað eldri deiliskipulagsáætlana sem felldar hafa verið úr gildi með samþykkt hverfisskipulagsins.
Skipulagsgögn
Í skipulagssjá finnur þú öll formleg skipulagsgögn hverfisskipulags Breiðholts; skipulagsuppdrátt, skilmála og almenna greinagerð.
Afrakstur umfangsmikils samráðs
Á vinnutíma hverfisskipulagsins komu fjölmargar hugmyndir og tillögur fram. Eftir ítarlegt samráðsferli tóku tillögurnar breytingum og sumar voru felldar burt. Í sérstakri samráðsskýrslu, sem finna má hér að neðan, er gerð grein fyrir samráðsferlinu og hvernig unnið var með athugasemdir.
Leiðbeiningar
Leiðbeiningar hverfisskipulagsins eru nýjung í skipulagsmálum hérlendis og eru fylgiskjöl með öllum hverfisskipulagsáætlunum borgarinnar. Þær eru grundvallaðar á stefnumörkun aðalskipulags Reykjavíkur og er ætlað að leiðbeina um útfærslur á ýmsum heimildum sem fram koma í skilmálum hverfisskipulags.
Breiðholt
