Umferðaröryggis-áætlun Reykjavíkur

Lýsing á aðgerð og markmið

Aðgerð Græna plansins

Áhersla áætlunarinnar tengist markmiðum um gönguvæna borg og á að fækka alvarlegum slysum og banaslysum með sérstakri áherslu á að draga úr slysum á börnum. Reykjavíkurborg einsetur sér að taka upp núllsýn á gildistíma áætlunarinnar og að vera fyrirmynd annarra sveitarfélaga í umferðaröryggismálum. Hugmyndafræði núllsýnar byggir á því að enginn eigi að slasast alvarlega eða látast í umferðferðarslysum. Flest alvarleg slys í Reykjavík eru á þeim sem eru gangandi, hjólandi eða ferðast með öðrum virkum hætti. Framfylgd áætlunarinnar er því lykilþáttur í að bæta aðstæður til að ferðast með virkum hætti í borginni. Uppfærsla umferðaröryggisáætlunar verður kláruð á árinu 2024. Upplýsingasíða verður gerð á vef Reykjavíkur um áætlunina, markmið hennar og stöðu þar sem aðgerðir sem unnið er að til að bæta umferðaröryggi í borginni, t.d. lækkun hámarkshraða í borginni verða birtar.