Hlemmsvæðið
Lýsing á aðgerð og markmið
Aðgerð Græna plansins
Hlemmsvæðið mun taka verulegum stakkaskiptum í framtíðinni og unnið er að nýju skipulagi sem á að stuðla að góðu mannlífi og sambúð ólíkra hópa. Á svæðinu mun rísa nýtt torgsvæði sem mun skapa ramma utan um fjölbreytt mannlíf, veita skjól og vera spennandi dvalarsvæði. Nýtt skipulag gerir ráð fyrir legu Borgarlínu um Hlemm og eru almenningssamgöngur og virkir ferðamátar settir í forgang á svæðinu.
Framkvæmdatími
Áætluð verklok eru á seinni helmingi ársins 2025
Stöðulýsing 1. júlí 2025
Verkhönnun er í gangi á áfanga 3 af torginu og framkvæmd er á áfanga 2 af torginu. Vonast er til að framkvæmd áfanga 3 geti hafist vorið 2026. Hönnun leikvallar á torginu er komin vel á veg. Sumarið 2025 var komið upp tímabundnum leikvelli fyrir yngstu kynslóðina sem strax skapaði líf og vakti lukku. Þegar frágangi sunnan og austan við Mathöllina lauk lifnaði strax yfir svæðinu og er gaman að sjá markmiðin smátt og smátt raungerast. Hafin er forhönnun á svæðinu norðan við Hlemm og væntanlega borgarlínugötu og hjólastíg sem áætlað er að komi þar.
Eldri stöðulýsingar
| Tímasetning | Lýsing framvindu |
| Janúar 2024 | Framkvæmdum við fyrsta áfanga Hlemms er lokið. Nýtt göngusvæði hefur litið dagsins ljós á Laugavegi næst Snorrabraut. Nyrsti hlut Rauðarárstígs og Mjölnisholt hafa verið verið endurgerð sem vistgötur. Sumarið 2024 er áætlað að halda áfram framkvæmdum á Laugavegi við Hlemm og á hluta Rauðarárstígs. Á sama tíma er unnið að verkhönnun torgsvæðisins og væntanlegrar borgarlínu í gegnum svæðið. |
| Júlí 2023 | Framkvæmdir eru á fullu á Hlemmi, Laugavegur á milli Snorrabrautar og Hverfisgötu er á lokametrum framkvæmdar. Rauðarárstígur suður er einnig á lokametrum framkvæmdar. Yfirborðsfrágangur á Mjölnisholti er hafin á fyrsta áfanga framkvæmdar. Verið er að vinna að skipulagi næsta framkvæmdaráfanga en stærsti hluti þess áfanga er nú þegar verkhannaður. |
| Janúar 2023 | Framkvæmdir við Rauðarárstíg og Laugaveg sem er fyrsti áfangi nýs Hlemmtorgs og nágrennis hófust á tímabilinu. Framkvæmdir við Mjölnisholt hefjast árið 2023. |
| Júlí 2022 | Framkvæmdir við Rauðarárstíg sem er fyrsti áfangi nýs Hlemmtorgs og nágrennis hófust á tímabilinu. Verkhönnun á torgi hafin. |
Tenging aðgerðar við stefnur Reykjavíkurborgar:
Tengdar aðgerðir
Markmið í umhverfismálum
- 1. Samdráttur í losun gróðurhúsalofttegunda | Græna planið Kolefnishlutlaus borg fyrir árið 2040 og aðlögun að loftlagsbreytingum með vistvænum hætti.
- 2. Aukin kolefnisbinding og efling grænna svæða | Græna planið Aukin ræktun, nýting og samtenging milli grænna svæða.
- 3. Borgin aðlöguð að áhrifum loftlagsbreytinga | Græna planið Vinna gegn loftlagsbreytingum og aðlögun að þeim.
- 4. Bætt aðgengi að heilnæmum útivistarmöguleikum og matvælum | Græna planið Áhersla á lýðheilsusjónarmið og aukinn borgarbúskap.
- 5. Vistvænar samgöngur | Græna planið Fjárfesting í samgönguinnviðum á grænum og fjölbreyttum forsendum.