Aðgerðaáætlun Reykjavíkurborgar í jafnréttis- og mannréttindamálum

Lýsing á aðgerð og markmið

Aðgerð Græna plansins

Í áætluninni eru sett fram markmið og aðgerðir til að koma í veg fyrir mismunun og stuðla að jafnri meðferð við ráðstöfun fjármagns, við veitingu þjónustu og í mannauðsmálum. Áætlunin nær því þvert á alla starfsemi borgarinnar, og tengist öðrum stefnum og áætlunum sem borgin hefur samþykkt, eins og græna planinu, aðgengisstefnu, aðgerðaáætlun gegn ofbeldi, mannauðsstefnu, jafnlaunastefnu, velferðarstefnu, íþróttastefnu, menningarstefnu o.fl. Í mannréttindastefnu borgarinnar skuldbinda borgaryfirvöld sig til að vinna að mannréttindum á fjórum meginsviðum þar sem hvert svið endurspeglar margþætt hlutverk og skyldur borgarinnar; sem stjórnvalds, sem atvinnurekanda, sem veitanda þjónustu og sem samstarfsaðila. Í aðgerðaáætlun í jafnréttis- og mannréttindamálum eru sett fram 51 markmið og 108 aðgerðir á þessum fjórum sviðum til að stuðla að jafnrétti og mannréttindum.