Borgarráð
Ár 2000, þriðjudaginn 14. nóvember, var haldinn 4659. fundur borgarráðs. Fundurinn var haldinn í Ráðhúsi Reykjavíkur og hófst kl. 12.00. Viðstaddir voru, auk borgarstjóra, Hrannar Björn Arnarsson, Inga Jóna Þórðardóttir, Júlíus Vífill Ingvarsson, Sigrún Magnúsdóttir, Steinunn Valdís Óskarsdóttir og Vilhjálmur Þ. Vilhjálmsson. Fundarritari var Gunnar Eydal.
Þetta gerðist:
1. Lögð fram fundargerð félagsmálaráðs frá 8. nóvember.
2. Lögð fram fundargerð hafnarstjórnar frá 13. nóvember.
3. Lögð fram fundargerð menningarmálanefndar frá 8. nóvember.
4. Lögð fram fundargerð samgöngunefndar frá 14. nóvember.
5. Lögð fram fundargerð stjórnar Innkaupastofnunar frá 13. nóvember.
6. Lögð fram fundargerð stjórnar Sorpu frá 9. nóvember.
7. Lagðar fram fundargerðir stjórnar veitustofnana frá 24. október og 7. nóvember.
8. Lögð fram fundargerð umhverfis- og heilbrigðisnefndar frá 9. nóvember.
9. Lagt fram bréf skrifstofustjóra borgarstjórnar, dags. í dag, um afgreiðslur erinda sem borist hafa borgarráði, alls 6 mál.
10. Lagt er til við borgarstjórn að Kolbeinn Stefánsson verði kosinn varamaður í leikskólaráð í stað Brynjólfs Þórs Guðmundssonar sem óskað hefur lausnar vegna breyttra aðstæðna.
11. Lagt fram bréf skipulagsstjóra, dags. í dag, sbr. samþykkt skipulags- og byggingarnefndar 1. þ.m. um stækkun Eirar, Hlíðarhúsum 3-7. Samþykkt. Vilhjálmur Þ. Vilhjálmsson vék af fundi við meðferð málsins.
12. Lagt fram bréf félagsmálaráðuneytis frá 2. þ.m. ásamt áliti vegna kvörtunar Jóns Tryggva Jóhannssonar og Fjólu Kristjánsdóttur vegna styrkveitinga til einkarekinna leikskóla.
13. Lagt fram bréf borgarlögmanns frá 13. þ.m. um kaup á landspildu í Norðlingaholti, Seláslandi nr. 31 NH. Samþykkt.
14. Lagðar fram umsagnir fulltrúa skrifstofustjóra borgarstjórnar frá 10. þ.m. um endurnýjun áfengisleyfa fyrir eftirtalda staði:
Veitingastofu að Mörkinni 6 Veitingastaðinn Vitabar, Bergþórugötu 21
Borgarráð samþykkir umsagnirnar.
15. Lagt fram bréf aðstoðarmanns borgarlögmanns frá 13. þ.m. um sölu á Heiðargerði 38. Samþykkt.
16. Lögð fram að nýju umsögn aðstoðarmanns borgarlögmanns frá 19. þ.m. um tillögu um stofnun flugöryggisnefndar. Borgarráð samþykkir umsögnina og áréttar að flugsamgöngumál heyri undir samgöngunefnd.
17. Lögð fram ályktun aðalfundar Sjómannafélags Reykjavíkur frá 10. þ.m. varðandi breytingar á landnýtingu við gömlu höfnina.
18. Lagt fram bréf Vélhjólaíþróttaklúbbs VÍK um framtíðarsvæði fyrir starfsemi klúbbsins, dags. 8. þ.m. Vísað til Borgarskipulags og íþrótta- og tómstundaráðs.
19. Lagt fram bréf forstjóra Innkaupastofnunar frá 13. þ.m. um tilboð í gatnagerðir og lagnir 5. áfanga Grafarholts. Samþykkt að taka tilboði lægstbjóðanda, Fleygtaks ehf.
20. Lagt fram bréf forstjóra Innkaupastofnunar frá 13. þ.m. um heimild til gerðar samnings um borun könnunarhola á Nesjavöllum. Samþykkt að ganga til samninga við Jarðboranir hf.
21. Lagt fram bréf forstjóra Innkaupastofnunar frá 13. þ.m. um tilboð í birgðahald fyrir Orkuveitu Reykjavíkur. Samþykkt að taka tilboði lægstbjóðanda, Eimskipafélags Íslands hf.
22. Lögð fram ársskýrsla Menningarmiðstöðvarinnar Gerðubergs 1999.
23. Lagt fram bréf borgarritara frá 13. þ.m. um ferli styrkumsókna sem berast eftir að umsóknarfrestur samkvæmt auglýsingu rennur út. Samþykkt.
24. Lagt fram bréf menningarmálastjóra frá 6. þ.m. um kaup á útilistaverki. Vísað til umsagnar borgarlögmanns.
25. Lagt fram bréf framkvæmdastjóra Lífeyrissjóðs starfsmanna Reykjavíkurborgar frá 7. þ.m. varðandi hlutfall endurgreiðslu á lífeyri árið 2001. Samþykkt.
26. Lagt fram bréf framkvæmdastjóra Sinfóníuhljómsveitar Íslands frá 18. september s.l., sbr. einnig bréf frá 28. f.m. um fjárstuðning vegna hljómleikaferðar vestur um haf. Samþykktur fjárstyrkur, kr. 1.000.000.
27. Lagt fram bréf forstöðumanns byggingadeildar og fræðslustjóra, dags. í dag, varðandi fyrirspurn borgarráðsfulltrúa Sjálfstæðisflokks á fundi borgarráðs 7. þ.m. um skólamál í Laugarneshverfi.
28. Lagt fram að nýju bréf félagsmálastjóra frá 9. f.m. ásamt umsögn Félagsþjónustunnar um frumvarp til laga um félagsþjónustu sveitarfélaga. Jafnframt lögð fram að nýju umsögn borgarlögmanns frá 16. s.m. um frumvarpið. Borgarráð samþykkir umsögn borgarlögmanns og vekur athygli á að umsögn Félagsþjónustunnar verður send félagsmálanefnd Alþingis. Þá vísar borgarráð til bókunar fulltrúa Sambands íslenskra sveitarfélaga, sbr. fskj. 1 með skýrslu nefndar vegna tilflutnings málefna fatlaðra til sveitarfélaga, dags. 10. október s.l. Sigrún Magnúsdóttir vék af fundi við meðferð málsins.
29. Lagt fram bréf stjórnar veitustofnana frá 13. þ.m. ásamt skýrslu starfshóps á vegum stjórnar veitustofnana um upphitun gatna og gönguleiða, dags. í nóvember 2000.
- Kl. 13.25 vék Steinunn Valdís Óskarsdóttir af fundi og Helgi Hjörvar tók þar sæti.
30. Lagt fram bréf stjórnar veitustofnana frá 8. þ.m., sbr. samþykkt stjórnar veitustofnana 7. s.m. á eftirfarandi samningum Orkuveitu Reykjavíkur og Landsvirkjunar, dags. 7. s.m.:
Viðaukasamningur um raforkuviðskipti. Samkomulag um uppgjör rafmagnskaupa vegna afhendingar frá Nesjavöllum. Rafmagnssamningur aðila. Samkomulag um flutning á rafmagni frá Korpu að Nesjavöllum.
Þá er lögð fram yfirlýsing vegna reiðuafls, dags. 7. þ.m.
Borgarráð samþykkir framangreinda samninga ásamt yfirlýsingu fyrir sitt leyti.
31. Lagt fram bréf félagsmálastjóra frá 26. f.m., sbr. samþykkt félagsmálaráðs 25. s.m. um framtíð Húsnæðisskrifstofu. Frestað.
32. Lagt fram bréf félagsmálastjóra frá 9. þ.m., sbr. samþykkt félagsmálaráðs 8. s.m. um verklagsreglur um meðferð fjármuna notenda heimaþjónustu. Samþykkt.
33. Lagt fram bréf félagsmálastjóra frá 9. þ.m., sbr. samþykkt félagsmálaráðs 8. s.m. varðandi samkomulag um niðurgreiðslur og meðferð vanskilamála vegna lengdrar viðveru í skólum. Samþykkt.
34. Lögð fram umsögn skrifstofustjóra borgarverkfræðings frá 13. þ.m. um erindi Magnúsar Leópoldssonar um jörðina Norðurgröf á Kjalarnesi. Lagt er til að jörðin verði leyst undan óðalsákvæðum og að borgarráð neyti forkaupsréttar. Samþykkt.
35. Lagt fram bréf borgarlögmanns frá 13. þ.m. varðandi heimild til Golfklúbbs Reykjavíkur til uppsetningar auglýsingaskiltis við Vesturlandsveg. Frestað.
36. Lagt fram bréf hafnarstjóra frá 13. þ.m., sbr. samþykkt hafnarstjórnar s.d. um lántöku, 400 milljónir króna. Vísað til borgarstjórnar.
37. Lagt fram bréf hafnarstjóra frá 13. þ.m., sbr. samþykkt hafnarstjórnar s.d. um gerð samninga og skilmála vegna kaupa borgarsjóðs á Faxaskála.
38. Borgarráð samþykkir að leyfisgjald fyrir matsöluvagna, utan miðborgar, verði óbreytt árið 2001.
39. Svohljóðandi tillögum vísað til borgarstjórnar:
1. Á árinu 2001 skal hlutfall fasteignaskatts, skv. a-lið 3.gr. laga um tekjustofna sveitarfélaga nr. 4/1995, vera 0,375%.
2. Á árinu 2001 skal hlutfall fasteignaskatts skv. b-lið 3. mgr. 3. gr. laga nr. 4/1995 um tekjustofna sveitarfélaga, með síðari breytingum, vera 1,32% að viðbættri hækkun um 25%, sbr. heimild í 4. mgr. sömu greinar (1,65%).
3. Lóðaleiga fyrir íbúðarhúsalóðir skal á árinu 2001 vera 0,145% af fasteignamatsverði.
4. Leiga fyrir verslunar- og iðnaðarlóðir skal á árinu 2001 vera 1,0% af fasteignamatsverði.
Borgarstjórn samþykkir að gefa greiðendum fasteignagjalda kost á að gera skil á fasteignagjöldum ársins 2001 með sex jöfnum greiðslum á gjalddögum 1. febrúar, 1. mars, 1. apríl, 1. maí, 1. júní og 1. ágúst. Fjármáladeild er heimilt að víkja frá ákvæðum um gjalddaga ef fjárhæð gjalda er undir kr. 10.000 og/eða gjaldendur óska eftir að greiða gjöldin með eingreiðslu í maí.
40. Svohljóðandi tillögu vísað til borgarstjórnar:
Borgarstjórn Reykjavíkur samþykkir að álagningarstuðull útsvars verði 12.70% á tekjur manna á árinu 2001 með vísan til laga nr. 4/1995 um tekjustofna sveitarfélaga með síðari breytingu, sbr. einnig framkomið frumvarp á Alþingi um breytingu á 23. grein laganna um álagningarstuðul útsvars.
Fyrirvari er gerður um samþykki á framkomnu frumvarpi.
41. Borgarstjóri lagði fram svohljóðandi ályktunartillögu:
Borgarráð Reykjavíkur fagnar því að loksins skuli hafa fengist viðurkenning ríkisins á þeirri staðreynd að verulega hefur hallað á sveitarfélögin í fjármálalegum samskiptum þeirra við ríkið á undanförnum árum og að tekjustofnar þeirra hafa ekki verið í samræmi við lögskyld og aðkallandi verkefni. Það var mat fulltrúa sveitarfélaganna í hinni svokölluðu tekjustofnanefnd að tekjuþörf sveitarfélaganna vegna aukinna verkefna og ákvarðana ríkisvaldsins í skattamálum væri um 6-7 milljarðar á ári. Þrátt fyrir að þessi leiðrétting á tekjuskiptingu ríkis og sveitarfélaga hafi ekki náðst fram telur borgarráð engu að síður að nefndin hafi náð mikilvægum áfanga varðandi endurskoðun á tekjustofnum sveitarfélaga sem mun skila sveitarfélögunum á landinu um 2.500 mkr. tekjuauka á næsta ári og um 3.750 mkr. á árinu 2002 komi tillögur hennar að fullu til framkvæmda. Engu að síður hlýtur borgarráð að gera alvarlegar athugasemdir við að samfara auknum heimildum sveitarfélaga til að hækka útsvar um 0.99% á næstu tveimur árum skuli ríkið ekki hafa áform um að lækka tekjuskattinn nema um 0.33% á næsta ári eða sem nemur 1.250 mkr. Tillögurnar munu því hafa í för með sér almenna skattahækkun sem mun bitna harðast á íbúum höfuðborgarsvæðisins. Það er óviðunandi að leiðréttingu á óréttlátri tekjuskiptingu ríkis og sveitarfélaga skuli með þessum hætti velt yfir á íbúa sveitarfélaganna - jafnvel undir því yfirskini að það sé við sveitarfélögin að sakast. Borgarráð skorar því á Alþingi að lækka tekjuskatt ríkisins á næstu tveimur árum til jafns við auknar heimildir sveitarfélaga til hækkunar útsvars eða um 0.99%.
Vísað til borgarstjórnar.
42. Lagðar fram eftirtaldar starfsáætlanir fyrir árið 2001 ásamt tillögum sem þeim fylgja, sbr. tilvitnuð bréf forstöðumanna:
I. Stjórn borgarinnar, starfsáætlun Ráðhúss Reykjavíkur Starfsáætlun jafnréttismála Íþrótta- og tómstundaráð Viðhald samkvæmt verkáætlun, dags. í október 2000 Innkaupastofnun Reykjavíkur, dags. 27. október 2000 Reykjavíkurhöfn, dags. 23. október 2000 Umhverfismál, dags. í október 2000 Miðgarður Rekstur fasteigna, dags. í október 2000 Borgarverkfræðingurinn í Reykjavík, gatnamálastjóri, götur og holræsi, dags. í nóvember 2000 Miðborgarstjórn Trésmiðja Reykjavíkur, dags. í október 2000 Fjárhagsáætlun Félagsbústaða hf. Vélamiðstöð Orkuveita Reykjavíkur, dags. 2. nóvember 2000 Strætisvagnar Reykjavíkur, dags. í október 2000 Ferðaþjónusta fatlaðra, dags. í október 2000 Fræðslumál, dags. 27. október 2000 Bílastæðasjóður
Starfsáætlun Borgarendurskoðunnar, vísað er til bréfs borgarendurskoðanda, dags. 13. nóvember 2000, um tillögur til breytinga.
Starfsáætlun menningarmála, vísað er til bréfs menningarmálastjóra, dags. 28. október 2000, um tillögur til breytinga.
Borgarverkfræðingurinn í Reykjavík, gatnamálastjóri, hreinsunardeild, vísað er til bréfs gatnamálastjóra, dags 13. nóvember 2000, um tillögur til breytinga.
Borgarskipulag, vísað er til bréfs skipulagsstjóra, dags. 13. nóvember 2000, um tillögur til breytinga.
Starfsáætlun skipulags og byggingamála, dags í október 2000. Vísað er til bréfa borgarverkfræðings, dags 13. nóvember 2000, um tillögur til breytinga.
Starfsáætlun Heilbrigðiseftirlits Reykjavíkur, dags. í október. Vísað er til bréfs skrifstofustjóra Heilbrigðiseftirlitsins, dags. 23. október 2000.
II. Lögð fram starfsáætlun Félagsþjónustunnar í Reykjavík. Vísað er til bréfs félagsmálastjóra, dags. 27. október 2000, sbr. svohljóðandi tillögur:
a) Lagt er til að tímagjald í heimaþjónustu verði 230 kr. í stað 200 kr. nú. b) Lagt er til að þjónustugjöld í íbúðum aldraðra verði hækkuð þannig að gjöld einstaklinga í Seljahlíð og á Dalbraut verði 12.500 kr. í stað 12.023 kr. nú, gjöld hjóna í Seljahlíð og á Dalbraut verði 14.300 kr. í stað 13.715 kr. nú, þjónustugjöld í Lönguhlíð, Furugerði og á Norðurbrún verði 6.800 kr. í stað 6.500 kr. nú og þjónustugjöld á Lindargötu verði 5.600 kr. í stað 5.400 nú kr. c) Lagt er til að innritunargjald í opið félagsstarf verði 500 kr. í stað 400 kr. nú. d) Lagt er til að verði á matar- og kaffiveitingum verði breytt þannig að fæðiskostnaður verði 400 kr. í stað 380 kr. nú fyrir þá sem eru í föstu fæði, verð í lausasölu verði 420 kr. í stað 400 kr. nú. Einnig er lagt til að verð á kaffi verði 80 kr. í stað 75 kr. nú. e) Lagt er til að verð fyrir akstur með heimsendan mat verði 120 kr. í stað 115 kr. nú. f) Lagt er til að viðmiðunarupphæð fjárhagsaðstoðar verði breytt þannig að fyrir einstakling þá verði hún 62.421 kr. í stað 60.136 kr. nú og fyrir hjón 112.354 kr. í stað 108.241 kr. nú. g) Lagt er til að tekin verði upp sérstök gjaldskrá fyrir mat, kaffiveitingar og námskeið, fyrir aðra en lífeyrisþega, öryrkja, atvinnulausa og fjárhagsaðstoðarþega.
Samþykkt með 4 samhlj. atkv.
III. Lögð fram starfsáætlun Leikskóla Reykjavíkur. Vísað er til bréfs forstöðumanns sbr. svohljóðandi tillögur:
a) Lagt er til að gjaldskrá Leikskóla Reykjavíkur verði hækkuð um 3,5% frá 1. janúar n.k. b) Lagt er til að einstakt gjald á gæsluleikvöllum verði 150 kr. í stað 100 kr. nú og gjald fyrir 25 miða kort verði 2.500 kr. í stað 1.500 kr. nú.
Samþykkt með 4 samhlj. atkv.
Framlögðum starfsáætlunum vísað til borgarstjórnar.
Afgreiddum tillögum vísað til meðferðar við gerð frumvarps að fjárhagsáætlun.
43. Lagt fram frumvarp að fjárhagsáætlun 2001 ásamt greinargerð.
Fundi slitið kl. 14.55.
Ingibjörg Sólrún Gísladóttir
Inga Jóna Þórðardóttir Sigrún Magnúsdóttir
Júlíus Vífill Ingvarsson Helgi Hjörvar
Vilhjálmur Þ. Vilhjálmsson Hrannar Björn Arnarsson