Vatnsmýri - Vísindaþorp

Lýsing á aðgerð og markmið

Aðgerð Græna plansins

"Vísindaþorpið í Vatnsmýri" eða Reykjavík Science City er samstarfsvettvangur Reykjavíkurborgar, Háskólans í Reykjavík, Háskóla Íslands, Landspítala háskólasjúkrahúss, Vísindagarða Háskóla Íslands og Samtaka sveitarfélaga á höfuðborgarsvæðinu (SSH). Unnið er að því að í Vísindaþorpinu þróist áfram sem þungamiðja þekkingarhagkerfisins á Íslandi þar sem núverandi aðilar, nýjar rannsóknarstofnanir og öflug þekkingarfyrirtæki eiga með sér samstarf og samvinnu og myndi þannig öflugt samfélag sem leiði til aukinnar verðmætasköpunar og fjölgunar starfa.

 

Framkvæmdatími

Áætluð verklok eru á seinni helmingi ársins 2025

Staða: Í vinnslu

Stöðulýsing 1. júlí 2024

Innviðahópur Reykjavik Science City hittist í fyrsta sinn og ræddi þá uppbyggingu sem fram undan er á svæðinu. Eitt af þeim stóru uppbyggingarverkefnum sem fyrirhuguð eru er djúptæknikjarni sem Vísindagarðar þróa áfram. Nýtt kort af svæðinu er í vinnslu sem sýnir framtíðartækifæri í Vatnsmýri. 

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Janúar 2024 Markaðsverkefni í höndum Íslandsstofu gengur vel og situr Reykjavíkurborg í stjórn. Markaðsverkefninu er ætlað að laða fólk, fyrirtæki og fjármagn til borgarinnar. Innviðahópur Vísindaþorpsins hittist í fyrsta sinn og ræddi þá uppbyggingu sem er framundan á svæðinu.
  Júlí 2023 Alþjóðleg markaðssetning Þekkingarþorpsins í Vatnsmýri undir heitinu Reykjavik Science City (RSC) er í fullum gangi undir forystu Íslandsstofu. Sú markaðssetning gengur vel.
  Janúar 2023   Reykjavík Science City var með kynningarbás á TechBBQ hátíðinni í Kaupmannahöfn haustið 2022 auk þess sem verkefnið var vel kynnt á Slush 2022. Nýtt kynningarmyndband fór í loftið á árinu og verkefnið var í reglulegri kynningu á samfélagsmiðlum. Blaðamannaferð heppnaðist vel og skilaði jákvæðum umfjöllunum um Reykjavík sem áhugaverðan stað fyrir fyrirtæki, fólk og fjármagn í nýsköpunarhugleiðingum.
  Júlí 2022 Markaðsherferð Reykjavik Science City hófst formlega á Slush nýsköpunarhátíðinni í Helsinki í desember 2021. Verkefnið hefur haldið áfram og var mjög áberandi í nýsköpunarvikunni í maí 2022 þar sem hópi blaðamanna var m.a. boðið að koma og kynnast nýsköpunarfyrirtækjum. Haldið var áfram að búa til nýtt kynningarefni og því dreift á samfélagsmiðlum verkefnisins og á miðlum samstarfsaðila. 

 

Tenging aðgerðar við stefnur Reykjavíkurborgar: