Ný atvinnusvæði: Esjumelar, Álfsnes, Hólmsheiði

Lýsing á aðgerð og markmið

Aðgerð Græna plansins

Öflugt atvinnulíf er forsenda þess að borgin vaxi og dafni. Í Reykjavík eru helstu atvinnusvæði á höfuð­borg­ar­svæðinu og landinu öllu, hvort sem litið er til starf­semi á sviði hátækni og þekk­ingar, háskóla, fjár­mála, versl­unar og þjón­ustu, opin­berrar stjórn­sýslu, menn­ingar og lista, ferða­þjón­ustu, flutn­inga eða iðnaðar. Uppbygging nýrra athafnasvæða á sér stað m.a. á Esjumelum, Álfsnesi og Hólmsheiði.

 

Framkvæmdatími

Áætluð verklok eru á seinni helmingi ársins 2025

Staða: Í vinnslu

Stöðulýsing 1. júlí 2025

Esjumelar: Lóðir að Bronssléttu 1 og 5 og Norðurgrafarvegi 3 eru til sölu og talsverðir möguleikar til stækkunar athafnasvæðisins. Bronsslétta 3 er seld en lítill áhugi á lóðum á svæðinu.

Álfsnes: Ráðgjafateymi Nordic Office of Architecture og Eflu vinnur þróunaráætlun og rammaskipulag. Fyrirtæki og stofnanir sýna svæðinu áhuga.

Hólmsheiði: Nýtt deiliskipulag fyrir 2. áfanga á athafnasvæði á Hólmsheiði samþykkt í júlí 2025. Til skoðunar hvort hægt verði að bæta við fleiri lóðum í framtíðinni en mikilvægt að klára undirbúningsvinnu og rannsóknir vel vegna mögulegra áhrifa á vatnafar. Miikill áhugi er á lóðum á svæðinu.

Eldri stöðulýsingar

 
  Tímasetning Lýsing framvindu
  Júlí 2024

Esjumelar: Lóðir að Bronssléttu 1 og 5 og Norðurgrafarvegi 3 auglýstar til sölu. Bronslétta 3 var seld.​

Álfsnes: Fýsileikagreining og skýrsla var kynnt í borgarráði og samþykkt að fela starfshóp að vinna þróunaráætlun og viðskiptaáætlun.​

Hólmsheiði: Borgarráð samþykkti lóðarvilyrði við APT Holding, Veritas og Parlogis. Næsta skref er að klára lóðarvilyrði við Safari og Ölgerðina.
  Janúar 2024

Undirbúningur að verkefni um framtíðarsýn fyrir Esjumela er hafinn. Lóðir að Bronssléttu 1, 3, 5 og Norðurgrafarvegur 3 voru auglýstar til sölu. Tilboðum var ekki tekið þar sem þau voru metin of lág. Þetta var staðfest í borgarráði.

Skýrsla um fýsileika Hringrásargarðs á Álfsnesi var útbúin.

Samtal um lóðavilyrði á Hólmsheiði átti sér stað við áhugasama aðila. Auk þess er virkt samtal við Heilbrigðiseftirlitið um vatnsverndarákvæði á svæðinu. Umhverfis- og skipulagssvið Reykjavíkurborgar réði Vatnaskil til að rannsaka vatnsverndina og ákvæðin betur.
  Júlí 2023

Skipulag er í vinnslu á Hólmsheiði. Verið að semja við fyrirtæki sem borgarráð samþykkti að hefja viðræður við um lóðarvilyrði. Unnið er að stækkun á athafnasvæði við Esjumela. Fjórar lóðir voru auglýstar til sölu en fá tilboð bárust. Verið er að undirbúa hreinsun á svæðinu og samtal við fyrirtækin um hvernig megi halda Esjumelum fínum svo svæðið verði álitlegur kostur fyrir fleiri aðila. Ráðgjafateymi vinnur að fýsileikagreiningu varðandi Hringrásargarðinn á Álfsnesi.


 
  Janúar 2023   Samhæfing áætlana varðandi uppbyggingu innviða heldur áfram í takti við gerð innviðaáætlunar til næstu 10 ára. Atvinnusvæðin Esjumelar, Hólmsheiði og Álfsnes eru reglulega kynnt fyrir aðilum sem hafa sýnt áhuga á að byggja upp fyrirtæki sín í Reykjavík. Á Esjumelum eru lóðir gerðar byggingarhæfar í takt við þarfir markaðarins og verða fjórar lóðir byggingarhæfar sumarið 2023. Í lok árs var auglýst eftir áhugasömum félögum um uppbyggingu á Hólmsheiði.
  Júlí 2022 Undirbúningur og samhæfing áætlana varðandi uppbyggingu innviða er hafin við Veitur. Atvinnusvæðin hafa verið kynnt fyrir fyrirtækjum sem hafa sýnt áhuga á að byggja upp fyrirtæki sín í Reykjavík. Nokkur félög hafa fengið lóðavilyrði á Hólmsheiði og er deiliskipulag svæðisins í þróun. Á Esjumelum eru lóðir gerðar byggingarhæfar í takt við þarfir markaðarins.  

 

Tenging aðgerðar við stefnur Reykjavíkurborgar:

 

Tengdar aðgerðir

Taflan hér fyrir neðan inniheldur þær aðgerðir sem tengjast þessari aðgerð og hægt er að nálgast frekari upplýsingar með því að smella á "heiti aðgerðar" í töflunni (ef þú ert í síma er betra að snúa símanum á hlið).