Haftengd útivist

Lýsing á aðgerð og markmið

Aðgerð Græna plansins

Verkefnið felst í að greina og kortleggja svæði sem henta fyrir ýmiskonar haftengda upplifun, hvort sem um er að ræða gufuböð, heit böð, sjósund eða annarskonar upplifun við hafið og útivist víðsvegar við strandlengju Reykjavíkur. Strandlengja Reykjavíkur er dýrmæt eign okkar allra, bætt aðgengi að henni hefur í för með sér meiri möguleika til haftengdrar upplifunar og útivistar sem getur hvatt til aukinnar útiveru borgarbúa og skilað sér í bættri lýðheilsu, líkamlegri og félagslegri.

 

Framkvæmdatími

Áætluð verklok eru á fyrri helmingi ársins 2026

Staða: Í vinnslu

Stöðulýsing 1. júlí 2025

Parísarhjólið var sett upp á Miðbakka sumarið 2024 og var þá um tilraunaverkefni til eins sumars að ræða. Verkefnið gekk vel og var ákveðið að auglýsa eftir aðila til að reka parísarhjól á Miðbakka aftur fyrir sumarið 2025.

Reglur um baðlón og gufuböð innan borgarmarka eru óljósar, hagaðilar innan borgarkerfis hafa hist reglulega til að útfæra leið sem væri hægt að bjóða aðilum sem hafa hug á að reka fargufur eða fljótandi gufur. Þeir fundir hafa leitt til sameiginlegs skilnings á verkefninu en samtalið heldur áfram í haust. Þau sem hafa hist reglulega eru atvinnu- og borgarþróunarteymi (nú verkefnateymi), borgarhönnun, Heilbrigðiseftirlitið, Útilífsborgin og Faxaflóahafnir.

Eldri stöðulýsingar

Í töflunni hér fyrir neðan má sjá eldri stöðulýsingar sem veita upplýsingar um framvindu aðgerðarinnar frá upphafi (ef þú ert í síma er betra að snúa símanum á hlið).
  Tímasetning Lýsing framvindu
  Janúar 2024

Aðgerð lokið. Skýrsla með greiningu, hugmyndum og tillögum um haftengda upplifun og útivist í Reykjavik dregur fram að fjölmörg sóknarfæri eru fyrir hendi fyrir haftengda upplifun sem hafa það að markmiði að auka lífsgæði borgarbúa og stuðla að bættri lýðheilsu.

Skýrsla var samþykkt í borgarráði 14. September 2023 með þessum orðum: "Erindi verði beint til stjórnar Samtaka sveitarfélaga á höfuðborgarsvæðinu og svæðisskipulagsnefndar höfuðborgarsvæðisins þar sem hvatt verði til þess að verkefnið verði unnið sameiginlega fyrir höfuðborgarsvæðið undir forystu svæðisskipulagsnefndar. Nefndin setji verkefnið af stað í samvinnu allra sveitarfélaga á svæðinu sem hluta af þeirri áherslu á útivist og útivistarsvæði höfuðborgarsvæðisins sem er liður í sóknaráætlun höfuðborgarsvæðisins. Samhliða verði kortlagðir auknir möguleikar til gönguskíðaiðkunar, innan eða í nálægð við núverandi byggð, s.s. í Heiðmörk og á Hólmsheiði, til viðbótar við þá uppbyggingu í þágu gönguskíðaíþróttarinnar sem er fyrirhuguð í Bláfjöllum. Hvort tveggja ætti að falla vel að skýrri áherslu nefndarinnar og Samtaka sveitarfélaga á höfuðborgarsvæðinu um útivist, útivistarmöguleika og sameiginleg græn svæði og útmörk höfuðborgarsvæðisins.“

Skýrslu starfshóps Haftengd upplifun og útivist í Reykjavík má finna hér.
  Júlí 2023 Haldnir voru reglulegir stöðu-,vinnu- og samráðsfundir með starfshópi og hagaðilum. Unnar voru m.a. umhverfisgreiningar og gerlarannsóknir og áhugaverð svæði til haftengdrar upplifunar og útivistar kortlögð. Samráð hefur verið stór hluti verkefnisins, þar sem viðtöl og samtöl við mikilvæga hagaðila voru framkvæmd. Skýrsla starfshóps verður lögð fyrir Borgarráð haust 2023.
  Janúar 2023   Starfshóp hefur verið gefið það verkefni að kortleggja svæðið og skoða sérstaklega ólík rekstrarform, meta hvort tilraunaverkefni eigi við í einhverjum tilfellum og leggja mat á gæði eftir staðsetningum ólíkra verkefna.
  Júlí 2022 Starfshóp hefur verið gefið það verkefni að kortleggja svæðið og skoða sérstaklega ólík rekstrarform, meta hvort tilraunaverkefni eigi við í einhverjum tilfellum og leggja mat á gæði eftir staðsetningum ólíkra verkefna. Starfshóp hefur einnig verið gefið að mynda mögulega tímalínu framkvæmda. Starfshópur skilar vinnu sinni til borgarráðs ekki síðar en 8. desember 2022.

 

Tenging aðgerðar við stefnur Reykjavíkurborgar:

Svið innan Reykjavíkurborgar:

 

Tengdar aðgerðir

Taflan hér fyrir neðan inniheldur þær aðgerðir sem tengjast þessari aðgerð og hægt er að nálgast frekari upplýsingar með því að smella á "heiti aðgerðar" í töflunni (ef þú ert í síma er betra að snúa símanum á hlið).
Heiti aðgerðar Staða Verklok Uppfært Svið
Haftengd útivist Í vinnslu   2026 Júlí 2025 Umhverfis- og skipulagssvið
Skrifstofa borgarstjóra og borgarritara
Auka við upplýsingar um loftgæðamál Í vinnslu 2026 Júlí 2025 Heilbrigðisteftirlit Reykjavíkur
Útboð og innleiðing eldhúsumsjóna-kerfis fyrir velferðarsvið og skóla- og frístundasvið Í vinnslu 2025 Júlí 2025 Skóla- og frístundasvið
Velferðarsvið
Þjálfun matráða í grunnskólum og leikskólum Lokið   2022 Janúar 2023 Skóla- og frístundasvið
Hollustumerkingar á innkaupalista fyrir mötuneyti Lokið   2025 Janúar 2024 Skóla- og frístundasvið
Þróun 6 vikna matseðils Lokið   2022 Janúar 2023 Skóla- og frístundasvið