Fífuborg

Leikskóli

Fífurimi 13
112 Reykjavík

411 3940
Leikskólinn Fífuborg og útileiksvæði

Um leikskólann

Opnunartími Fífuborgar er frá 07:30 til 16:30

Leikskólinn Fífuborg í Grafarvogi tók formlega til starfa í janúar 1993. Í næsta nágrenni skólans er grenndarsvæði hans, Hallsholt. Það er vinsæll áfangastaður í gönguferðum barnanna og mikið nýtt í útikennslu og frjálsum leik. Starfsmenn eru 20 á fjórum deildum skólans þar sem um 70 börn geta dvalið samtímis. Deildirnar kallast Ljósheimar, Álfheimar, Dvergheimar og Hulduheimar.

Athugið að leikskólinn er staðsettur í Húsaskóla tímabundið.

Leikskólastjóri er Helga Arnfjörð Sigurðardóttir

Aðstoðarleikskólastjóri er Sigríður Sunna Hannesdóttir

Leikskólinn Fífuborg

Viltu vita meira um Fífuborg? Í þessu örstutta myndbandi er stiklað á stóru um starfsemi leikskólans. Unnið af Erlu Stefánsdóttur og Antoníu Lárusdóttur fyrir skóla- og frístundasvið. 

Hugmyndafræði

Gildi Fífuborgar eru virðing, heilbrigði og gleði

 

Leikurinn er kennslutæki okkar í Fífuborg og á honum grundvallast allt starf skólans. Lagt er út frá því að börn læri best í gegnum leik og því skapaðar aðstæður þar sem barnið fær notið sín í leiknum og hafi greiðan aðgang að fjölbreyttum og opnum efnivið bæði innandyra sem utan. Megináherslur í starfi leikskólans eru vinátta, umhverfismennt, læsi og lýðræði.

Meira um hugmyndafræðina í skólanámskrá

Leikskólastarf

Skólanámskrá

Viltu vita meira um hugmyndafræði og daglegt starf Fífuborgar? Í skólanámskrá Fífuborgar finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi. 

Starfsáætlun

Hvað er framundan á Fífuborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. 

Leikskóladagatal

Hvenær eru starfsdagar í Fífuborg? Í skóladagatali finnur þú upplýsingar um frídaga í leikskólanum og ýmislegt fleira. 

Eineltisáætlun

Hér getur þú kynnt þér eineltisáætlun leikskólanna í Grafarvogi og á Kjalarnesi. 

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi. Foreldrafélag og foreldraráð eru starfrækt í öllum leikskólum Reykjavíkurborgar. 

Meira um foreldrasamstarf Meira um aðlögun í leikskóla

Miðstöð Fífuborgar

Leikskólinn Fífuborg tilheyrir Austurmiðstöð. Austurmiðstöð sinnir fjölbreyttri þjónustu við íbúa í Árbæ, Grafarholti, Grafarvogi og Kjalarnesi og er alhliða upplýsingamiðlun um þjónustu borgarinnar. Þar er veitt velferðarþjónusta, skólaþjónusta við leik- og grunnskóla, daggæslu- og frístundaráðgjöf og ýmis önnur þjónusta.   

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Fífuborgar er: Hrund Sigurhansdóttir

Nánari upplýsingar um lögin og þjónustuna eru á heimasíðunni farsaeldbarna.is​
 

Myndir frá Fífuborg

Framkvæmdir

Unnið er að því að byggja við og endurbæta húsnæði og lóð Fífuborgar. Hægt er að fylgjast með gangi verksins á framkvæmdasjá borgarinnar Fífuborg - Endurnýjun og viðbygging | Reykjavik