Hæ! Hvernig getum við aðstoðað?

Borgarstjórn Reykjavíkur samþykkti heildstæða Matarstefnu Reykjavíkurborgar á fundi sínum í dag. Stefnan markar skýran vegvísi í matarmálum borgarinnar og leggur áherslu á að allir íbúar hafi jafnt aðgengi að hollum, næringarríkum og bragðgóðum mat, óháð efnahagslegum aðstæðum. Þetta er uppfærsla á fyrstu matarstefnu Reykjavíkurborgar, sem var samþykkt árið 2018.

Samkvæmt tillögu um lengri opnunartíma sundlauga í Reykjavík yfir sumartímann verða sundlaugar borgarinnar opnar til klukkan 22:00 um helgar frá 1. júní til 31. ágúst 2026. Tillagan var samþykkt á fundi menningar -og íþróttaráðs í síðustu viku.

Borgarstjórn samþykkti að taka gjaldsvæði bílastæða og útfærslu gjaldskyldu til endurskoðunar á fundi sínum í dag. Einnig samþykkti borgarstjórn að fara í heildarendurskoðun á þeim verklagsreglum sem fylgt er þegar breytingar eru ákvarðaðar á stækkun gjaldskyldusvæða eða útfærslu á verðlagningu og tímamörkum sem þau fylgja hverju sinni.

Yfirkjörstjórn Reykjavíkur kom til fundar í Ráðhúsi Reykjavíkur klukkann 12 og úrskurðaði ellefu framboðslista til borgarstjórnarkosninga.