Heimsendur matur
Það er mikilvægt fyrir allt fólk að geta fengið sér staðgóða og næringarríka máltíð á hverjum degi. Heimsending matar er fyrir fólk sem ekki getur annast matseld sjálft og hefur ekki tök á að borða í einum af félagsmiðstöðvum velferðarsviðs Reykjavíkurborgar.
Hvernig virkar þjónustan?
Heimsendur matur er keyrður út á mánudögum, miðvikudögum og föstudögum í Vesturbæ, Miðbæ, Háaleiti, Árbæ og að hluta til í Laugardal og Hlíðar.
Á þriðjudögum, fimmtudögum og laugardögum í Grafarvog, Grafarholt, Kjalarnes, Breiðholt og að hluta til í Laugardal og Hlíðar.
Heimsendan mat þarf að panta fyrir klukkan 12:00 á miðvikudegi til að fá hann í vikunni á eftir.
Ef þú vilt gera breytingar skaltu hafa samband í síma 411 1111 eða senda póst á maturinnheim@reykjavik.is.
Hvað er í matinn?
Get ég fengið heimsendan mat?
Til að geta fengið heimsendan mat þarft þú að uppfylla eftirfarandi skilyrði:
- Eiga lögheimili í Reykjavík
- Vera eldri en 18 ára
- Búa sjálfstætt
- Vera metinn í þörf fyrir heimsendan mat samkvæmt reglum um stuðningsþjónustu
Hvernig sæki ég um heimsendan mat?
Þú sækir um heimsendan mat á rafrænan hátt á Mínum síðum.
Einnig er hægt að fylla út umsókn á PDF-formi og senda á maturinnheim@reykjavik.is.
Hvað gerist ef umsókn er synjað?
Ef umsókn er synjað og þú telur sérstakar málefnalegar ástæður liggja fyrir því að veita skuli þér undanþágu frá reglum getur þú sent inn beiðni um áfrýjun til áfrýjunarnefndar velferðarráðs.
Hvað kostar heimsendur matur?
Hver máltíð kostar 1.100 krónur. Aksturskostnaður er 325 krónur. Samtals kostar máltíð 1.425 krónur.
Greiðsluseðill fyrir heimsendan mat er sendur út mánaðarlega í heimabanka.
Ertu með ábendingu um matarþjónustuna?
Þú getur sent ábendingu í gegnum ábendingavef Reykjavíkurborgar, á netfangið maturinnheim@reykjavik.is eða haft samband við Þjónustuver í síma 411 1111.
Ábendingum er varða gæði matarins er komið áfram til framleiðslueldhúss Krydd og kavíar ehf. sem sér um matseldina.